बोदवड (प्रतिनिधी) बोदवड तहसील कार्यालयासमोर सरणावर झोपून आंदोलन करणारे उपोषणकर्ते प्रमोद धामोडे विरुद्ध चक्क मोबाईल चोरीचा आरोप लावण्यात आला असून याबाबत पोलिसात तक्रार देण्यात आली आहे.
याबाबत अक्रम शेख (प्र.क्र. 14 सतरंजी मोहल्ला) यांनी आपला मोबाईल चोरीला गेल्याबद्दल पोलीस ठाण्यात दिलेल्या तक्रारी अर्जात म्हटले आहे की, माझा ओप्पो कंपनीचा मोबाईल त्यात 7350661180 या नंबरचे एयरटेल कंपनीचे सिम होते. हा मोबाईल दिनांक १२ सप्टेंबर रोजी छत्रपती शिवाजी महाराज कॉम्प्लेक्समधील प्रमोद धामोळे यांच्या टेलर व्यावसायिक दुकानांमध्ये चार्जिंगसाठी लावला होता. मी बाहेर गेलो आणि परत मोबाइल घेण्यासाठी दुकानात आलो असता प्रमोद धामोळे हे त्या चार्जेर जवळ बसलेले होते. यामुळे माझा मोबाईल प्रमोद धामोळे यांनी चोरला असा संशय आहे. याबद्दल आपण योग्य ती चौकशी करून मला न्याय मिळावा, असे तक्रारी अर्जात म्हटले आहे. पोलिसांनी सदर तक्रारी अर्ज स्वीकारला असून त्याची पोच तक्रारदारास दिली आहे. याबाबत धामोडे यांची प्रतिक्रिया घेतली असता त्यांनी सांगितले की, असा तक्रार अर्ज दिला असल्याचे पत्रकारांनी विचारले असता मला समजले. सध्या उपोषणाला सुरवात केलेली आहे. मात्र, याबाबत पोलिसांनी विचारणा केल्यास योग्य ती माहिती त्यांना देऊ, असे धामोडे यांनी म्हटले आहे.
