जळगाव (प्रतीनिधी) शहरातील चैतन्य नगरातील एका घरातून सोन्याच्या दागिन्यासह ATM कार्ड, रोख रक्कम असा एकूण १ लाख ५२ हजार रुपयांची मालमत्ता लांबविल्याची घटना समोर आली आहे. या प्रकरणी जळगाव जिल्हापेठ पोलीस स्थानकात अज्ञात चोरट्याविरुद्ध गुन्हा दाखल करण्यात आला आहे.
यासंदर्भात कल्पना अनिल कुलकर्णी (वय ५१, रा. चैतन्य नगर प्लॉट नं १, चित्रप्रभा अपार्टमेंट फ्लॅट नं ३०२, महावीर क्लासेसच्या मागे, जळगाव) यांनी दिलेल्या फिर्यादीनुसार, दि. ३ जून २०२२ रोजी ते २० जून २०२२ च्या दरम्यान कोणीतरी अज्ञात चोरट्याने बनावट चावी चा वापर करून कल्पना कुलकर्णी यांच्या घरात प्रवेश करून घरातील लॉकमधील १ लाख ५० हजार रुपये किंमतीचा ३० ग्रॅम वजनाचा राणी हार, बँक ऑफ बडोदा ATM कार्ड, त्यातून ATM द्वारे २ हजार रुपये, असा एकूण १ लाख ५२ हजाराची मालमत्ता कल्पना कुलकर्णी यांच्या समंतीवाचून लबाडीचा इराद्याने चोरून नेली. या प्रकरणी जळगाव जिल्हा पेठ पोलीस स्थानकात अज्ञात चोरट्याविरुद्ध गुन्हा दाखल करण्यात आला असून पुढील तपास पोहेकॉ फिरोज तडवी हे करीत आहेत.
