औरंगाबाद (वृत्तसंस्था) मराठवाड्यासह राज्याचं लक्ष लागून असलेल्या औरंगाबादच्या सोयगाव नगरपंचायतीचे निकाल स्पष्ट झाले असून, शिवसेनेनं एकहाती सत्ता मिळवली आहे. तर भाजप दुसऱ्या क्रमांकावर असून, कॉंग्रेसचा सुपडासाफ झाला आहे. शिवसेनेला ९ तर भाजपला ३ जागांवर विजय मिळाला आहे. त्यामुळे महसूल राज्यमंत्री अब्दुल सत्तार यांनी केंद्रीय रेल्वे राज्यमंत्री रावसाहेब दानवे यांना धक्का देत सत्ता नगरपंचायतची सत्ता ताब्यात मिळवली आहे.
सोयगाव नगरपंचायत निवडणुकीत शिवेसेनेला १७ पैकी तब्बल ९ जागांवर विजय मिळाला आहे. तर भाजपला अवघ्या तीन जागांवर समाधान मानावं लागलं आहे. सोयगाव नगरपंचायत निवडणुकीच्या प्रचारादरम्यान शिवसेना आणि भाजप यांच्यात टोकाचा संघर्ष बघायला मिळाला होता. विशेष म्हणजे दोन दिग्गज नेते आमनेसामने होते. याशिवाय एकेकाळी मित्रपक्ष असलेले दोन कट्टर हिंदुत्ववादी पक्ष यावेळी एकमेकांच्या विरोधात उभे ठाकले होते. दोन्ही बाजूने तगडी फिल्डिंग लावली जात होती. पण या निवडणुकीत भाजपचं पारडं कमी पडलेलं दिसलं आहे.
वॉर्डनिहाय कोण-कोण जिंकलं?
वॉर्ड क्र. १ शाहिस्ताबी राउफ, शिवसेना
वॉर्ड क्र. २ शिवसेना अक्षय काळे, शिवसेना
वॉर्ड क्र. ३ दीपक पगारे, शिवसेना
वॉर्ड क्र. ४ हर्षल काळे, शिवसेना
वॉर्ड क्र. ५ वर्षा घनघाव, भाजप
वॉर्ड क्र. ६ संध्या मापारी, शिवसेना
वॉर्ड क्र. ७ सविता जावळे, भाजप
वॉर्ड क्र. ८ कुसुम दुतोंडे, शिवसेना
वॉर्ड क्र. ९ सुरेखा काळे, शिवसेना
वॉर्ड क्र. १० संतोष बोडखे, शिवसेना
वॉर्ड क्र. ११ संदीप सुरडकर, भाजप
वॉर्ड क्र. १२ भगवान जोहरे, भाजप
वॉर्ड क्र. १३ ममता बाई इंगळे, भाजप
वॉर्ड क्र. १४ कदिर शहा, भाजप
वॉर्ड क्र. १५ सुलताना रौफ देशमुख, भाजप
