धरणगाव (प्रतिनिधी) आरोग्य भारतीतर्फे आज धनत्रयोदशीचे औचित्य साधून धन्वंतरी पूजन शहरातील विक्रम वाचनालय येथे ज्येष्ठ वैद्यकीय व्यावसायिक डॉ. मिलिंद डहाळे व डॉ. किशोर भावे यांच्या हस्ते उत्साहात संपन्न झाले. यावेळी धरणगाव मेडिकल असोसीएशनचे अध्यक्ष डॉ. मिलिंद डहाळे व डॉ. किशोर भावे यांचा सत्कार करून कृतज्ञता व्यक्त करण्यात आली.
कार्यक्रमाचे प्रास्ताविक व सूत्रसंचालन डॉ.पुष्कर महाजन यांनी केले. धन्वंतरी मंत्र लालाजी उपासनी यांनी तर शांती मंत्र दिनेश पाटील यांनी सांगितला. धन्वंतरी पूजनासाठी शहरातील सर्व नामवंत डॉ. शैलेश सूर्यवंशी, डॉ. चेतन पाटील, डॉ.सूचित जैन,चेतन भावसार, डॉ पंकज अमृतकर, डॉ.मनोज अमृतकर, डॉ. निधी पंकज अमृतकर, डॉ जितेंद्र पाटील, डॉ धनराज देवरे, मेडिसीन प्रतिनिधी नितेश महाजन व किरण गुरव तसेच भाजप ओबीसी जिल्हाध्यक्ष अँड.संजय महाजन, अँड.वसंतराव भोलाने, शहराध्यक्ष दिलीप महाजन, गटनेते कैलास माळी, नगरसेवक शरद अण्णा धनगर, भालचंद्र माळी, सुनील चौधरी, कन्हैया रायपूरकर, राजू महाजन, सचिन पाटील, भूषण धनगर, निलेश महाजन इत्यादी उपस्थित होते. कार्यक्रमाच्या पूर्ततेसाठी संजय तोडे, निलेश वाणी, चकोर चौधरी, शिवाजी चौधरी यांनी प्रयत्न केले.
