धरणगाव (प्रतिनिधी) राज्यातील रेशन धान्य दुकानदारांच्या प्रलंबित प्रश्न आणि मागण्यांकडे राज्य शासनाचे लक्ष वेधण्यासाठी पावसाळी अधिवेशनाच्या कालावधीत त्रिस्तरीय आंदोलन होणार आहे. त्याचाच एक भाग म्हणून आज (ता. २७) धरणगाव तहसील कार्यालयासमोर तालुक्यातील दुकानदारांनी धरणे आंदोलन केले. तसेच विविध मागण्यांचे निवेदन तहसिलदार महेंद्र सूर्यवंशी यांना देण्यात आले.
‘या’ आहेत स्वस्त धान्य दुकानदारांच्या मागण्या !
१) कमिशन वाढ २) संपूर्ण वजन असलेले चांगल्या प्रतीचे धान्य ३) ekyc साठी प्रत्येक व्यक्ती ५० रुपये ४) प्रत्येक महिन्याच्या ५ तारखेला मार्जिन मिळणे ५) ऑनलाईन डेटा त्वरित करणे तसेच लाभार्थी वाढविणे ६) शासकीय गोदामातून धान्य ज्यूट बारदान मधून मिळणे ७) NPH साठी धान्य सुरू करणे ८) अंत्योदय योजनेतील ७ पेक्षा जास्त लाभार्थी असलेले कार्ड प्राधान्य योजनेत वर्ग करावेत.
आंदोलन प्रसंगी संघटनेचे ज्येष्ठ मार्गदर्शक बापूसाहेब आर.डी. पाटील तसेच संघटनेचे जी.डी.पाटील, प्रभाकरअण्णा पाटील, बंटीशेठ ओस्तवाल तसेच मार्गदर्शकमिलिंद पवार सर तसेच रविंद्र महाजन, बाबुलाल पाटील, नंदलाल पाटील, कैलास पाटील, संजय भालेराव, छोटू पाटील, जालम वंजारी यांच्यासह विका सोसायटी भोद, निशाणे बचत गट आदी असंख्य दुकानदार बांधव उपस्थित होते. आंदोलनाचे सूत्र संचलन तसेच प्रास्ताविक राजूशेठ ओस्तवाल यांनी केले. तर आभार अमृतभाऊ पाटील यांनी मानले.
