धरणगाव (प्रतिनिधी) क्रिकेट विश्वचषकातील रविवार दिनांक १९ नोव्हेंबर रोजी होणारा भारत विरुद्ध ऑस्ट्रेलिया हा अंतिम सामना अश्या भल्या मोठ्या एल.ई.डी. स्क्रीनवर धरणगावकरांना दाखवण्याची व्यवस्था शिंदे गट (शिवसेना) तर्फे करण्यात आली आहे.
स्व. माजी नगराध्यक्ष सलीमभाई पटेल यांच्या कार्यालयाजवळ सहकुटुंब सामन्याचा आनंद घेण्यासाठी विशेष व्यवस्था शिंदे गटातर्फे करण्यात आली आहे. सदर आयोजन निशुल्क असून सर्व धरणगाव नागरिकांसाठी सामना सुरु होण्यापासून ते सामना संपेपर्यंत खुले राहणार आहे. जास्तीत जास्त धरणगावकर नागरिकांनी हा ऐतिहासिक सामना पाहण्यासाठी यावे, असे आवाहन पालकमंत्री गुलाबराव पाटील, माजी जि.प.प्रतापराव पाटील यांच्यासह स्थानिक शिंदे गटाच्या पदाधिकाऱ्यांनी केले आहे.
