जळगाव (प्रतिनिधी) शिवसेना महानगर, युवाशक्ती फाऊंडेशन व जिल्हा डॉजबॉल असोसिएशन यांच्या संयुक्त विद्यमाने शिवसेना प्रमुख बाळासाहेब ठाकरे यांच्या ९५ व्या जयंतीनिमित्त बी.यु.एन. रायसोनी विद्यालयात जिल्हास्तरीय डॉजबॉल अजिक्यपद स्पर्धेचे आयोजन करण्यात आले होते. यावेळी मुलांमध्ये एकलव्य संघ तर मुलींमध्ये रायसोनी शाळा तृतीय स्थानावर विजयी झाली आहे.
शिवसेना महानगर, युवाशक्ती फाऊंडेशन व जिल्हा डॉजबॉल असोसिएशन यांच्या संयुक्त विद्यमाने शिवसेना प्रमुख बाळासाहेब ठाकरे यांच्या ९५ व्या जयंतीनिमित्त बी.यु.एन. रायसोनी विद्यालयात झालेल्या जिल्हास्तरीय डॉजबॉल अजिक्यपद स्पर्धेत मुलांच्या गटात एकलव्य क्रिडा संकूल विजयी, स्वामी विवेकानंद महाविद्यालय उपविजयी तर नुतन विद्यालय-चुंचाळे (ता. चोपडा) तृतीय स्थानी तर मुलींच्या गटात बी.यु.एन. रायसोनी मराठी शाळा विजयी, स्वामी विवेकांनद कॉलेज उपविजयी तर रायसोनी इंग्लिश शाळा तृतीय स्थानावर विजयी झाले.
स्पर्धेचे उद्घाटन महाराष्ट्र राज्याचे पाणी पुरवठा व स्वच्छता मंत्री तथा जळगाव जिल्ह्याचे पालकमंत्री गुलाबराव पाटील यांनी मैदान पुजन करून व स्वत: खेळून केले. प्रारंभी छत्रपती शिवाजी महाराज यांच्या पुतळ्याचे व हिंदू हृदय सम्राट शिवसेना प्रमुख बाळासाहेब ठाकरे यांच्या प्रतिमेचे पुजन व माल्यार्पण पालकमंत्री यांनी केले. याप्रसंगी शिवसेना जिल्हाप्रमुख गुलाबराव वाघ, शिवसेना महानगरप्रमुख शरद तायडे, शिवसैनिक व युवाशक्ती फाऊंडेशनचे संस्थापक विराज कावडीया, शिवसेना महिला आघाडीच्या महानगर अध्यक्षा शोभा चौधरी, बी.यु.एन. रायसोनी शाळेचे अध्यक्ष ऍ़ड. शिरीष रायसोनी, एम.आय.डी.सी. पोलीस स्टेशनचे पोलिस निरीक्षक प्रताप शिकारे, मानसिंग सोनवणे, प्रशांत सुरळकर, प्रकाश वेदमुथा, जाकिर पठाण, गणेश गायकवाड, हेमंत महाजन, जितेंद्र छाजेड, साई मोरया गृपचे अध्यक्ष उमाकांत जाधव यांची उपस्थिती होती.
पारितोषिक वितरण जिल्हा क्रिडा अधिकारी मिलींद दीक्षित यांच्या हस्ते शरद तायडे, नगरसेवक प्रशांत नाईक, युवाशक्तीचे विराज कावडीया, उमाकांत जाधव, रायसोनी विद्यालयाचे मुख्याध्यापक चंद्रशेखर पाटील, क्रिडा शिक्षक महासंघाचे अध्यक्ष डॉ. रंजीत पाटील यांच्या उपस्थितीत संपन्न झाले. स्पर्धेत जिल्ह्यातून मुलांचे १८ तर मुलींचे ८ संघ सहभागी झाले होते. स्पर्धा बाद पद्धतीने खेळल्या गेल्या. पंच म्हणून निलेश पाटील, प्रशांत महाजन, सुनिल बाविस्कर, योगेश सोनवणे, प्रकाश सपकाळे, सुश्मित पाटील, ललित कोळी, उज्वल जाधव, चेतन जोशी, जयविरसिंग राजपूत, गौरव शिरसाळे, मुकेश परदेशी, विजय विसपुते यांनी काम पाहिले.
कार्यक्रमाचे सुत्र संचालन जिल्हा डॉजबॉल असोसिएशनचे सचिव राजेश जाधव यांनी तर आभार प्रदर्शन सहसचिव निलेश पाटील यांनी केले. स्पर्धेचे स्पर्धा समन्वयक म्हणून योगेश सोनवणे यांनी काम पाहीले. स्पर्धेच्या यशस्वी आयोजनासाठी युवाशक्ती फाऊंडेशनचे सचिव अमित जगताप, उपाध्यक्ष संदिप सुर्यवंशी, प्रितम शिंदे, आकाश वाणी, धिरज पाटील, सौरभ कुळकर्णी, गोकुळ बारी, प्रसन्ना जाधव, अमोल गोपाल, राहूल चव्हाण, जयेश महाजन, प्रशांत वाणी, निखील पाटील, शंतनू नारखेडे यांनी परिश्रम घेतले.
