जळगाव (प्रतिनिधी) महाराष्ट्र राज्य व्हॉलीबॉल संघटनेच्या माध्यमाने फेब्रुवारी व मार्च या महिन्यात विविध ठिकाणी होत असलेल्या राज्यस्तरीय आंतर विभागीय व्हॉलीबॉल स्पर्धेसाठी निवड चाचणीचे आयोजन जळगाव जिल्हा पासिंग व्हॉलीबॉल असोसिएशनच्या माध्यमाने रविवारी नूतन मराठा महाविद्यालयाच्या क्रीडांगणावर घेण्यात आले.
या तिन्ही गटात सोळा-अठरा व एकवीस वयोगटात जिल्ह्यातील सुमारे ९२ मुलं व १७ मुलींचा समावेश होता. यात जळगाव ,धरणगाव, पाचोरा, जामनेर व पारोळा येथील खेळाडूंचा समावेश होता. निवड चाचणी स्पर्धेचे औपचारिक उद्घाटन नूतन मराठा महाविद्यालयाचे प्राचार्य डॉक्टर एल पी देशमुख यांच्या हस्ते क्रीडांगण पूजन करून करण्यात आले. यावेळी संघटनेचे अध्यक्ष फारुक शेख, सचिव अंजली पाटील (शिव छत्रपती पुरस्कार प्राप्त, आंतर राष्ट्रीय पंच), कार्याध्यक्ष सुभाष पवार, सदस्य इफतेखार अहेमद (राज्यस्तरीय पंच), दर्शन आटोळे, रवींद्र कंखरे (राज्यस्तरीय पंच तसेच नाशिक विभागीय सचिव), अमजदखान पठाण व क्रीडा शिक्षक शफी मुजावर उपस्थित होते. स्पर्धा यशस्वी होण्यासाठी सोमेश आटोळे, प्रसाद पाटील, हर्षदा पाटील, भाऊसाहेब पाटील आकाश भिवाल (राज्यस्तरीय पंच) डिंपल वर्मा,जयंत साबळे, हिमांशू पाटील, धनंजय आटोळे व युनिव्हरसल क्लबच्या खेळाडूंनी परिश्रम घेतले.
निवड समिती
तिघी वयोगटातील संघ निवड चाचणी स्पर्धेसाठी निवड समिती सदस्य म्हणून छत्रपती पुरस्कार प्राप्त अंजली पाटील, राष्ट्रीय पंच इफतेखारअहमद, विभागीय सचिव रवींद्र कंखरे व दर्शन आटोडे यांनी संघाची निवड चाचणी कडून करून यादी अध्यक्ष फारुक शेख यांना सुपूर्त केली. त्या संघाची निवड अध्यक्ष फारूक शेख यांनी घोषित केली.
सोळा वर्षाच्या आतील संघ
झिशान खान, कवीश्वर सोनवणे, फरहान खान, सौरभ बाविस्कर (सर्व जळगाव), चैतन्य महाजन, कौशल पाटील, सुनिल गोसावी, यश पाटील विशाल गोसावी, निखिल पाटील, व रोहित चौधरी (सर्व धरणगाव), भूपेश चौधरी (पाचोरा) तर राखीव खेळाडू म्हणून राज चौधरी, धीरज तोंडे व प्रणव सातपुते (सर्व धरणगाव).
अठरा वर्षा आतील संघ
यश जंजाळे, अक्षय सोनार, ऋषिकेश देशमुख, अभय कापुरे, हर्षद भोसले, (सर्व जळगाव), यश पाटील, ललित ढोके, स्वप्निल चौधरी व पवन मराठे (सर्व धरणगाव), हर्षल मिस्तरी व मनीष खामकर (पाचोरा), वीरेंद्र ढाकणे( जामनेर), राखीव खेळाडू सृजल कोठारी(जळगाव), तुषार नेरपगार अंकित महाजन व योगेश साळुंखे( सर्व धरणगाव).
२१ वर्ष वयोगटातील संघ
देवेश परदेशी व भावेश शिंदे जळगाव वैभव भोलाणे, ईश्वर चौधरी, रितिक भोई, रुपेश चौधरी, ब्रम्हा धनगर, हरीश नाईक (सर्व धरणगाव), रियाज अली खान व सिद्धेश जडे (पाचोरा). राखीव खेळाडू रोहन मिष्रा (पाचोरा), विशाल बीचवे (धरणगाव), विपुल दहिभाते (जामनेर), प्रसाद पाटील (जळगाव).
१८ वयोगटात मुलींचा संघ अपात्र तर तीन मुलींचा थेट प्रवेश
अठरा वर्षाच्या मुलींच्या गटात एकूण १४ मुलींनी सहभाग नोंदविला. परंतु सदरचा संघ हा योग्य ते अनुसार नसल्याने त्यास अपात्र करण्यात आले. परंतु २१ वर्षाच्या आतील गटात वैष्णवी जितेंद्र सिंग चव्हाण व दिपाली रवींद्र सोनवणे दोघी जळगाव यांना तर १६ वर्ष वयोगटात पारोळा ची कु. तनिष्का संदीप सोनवणे या तिन्ही महिला खेळाडूना विभागीय पातळीवर पाठवण्यात येत आहे. असल्याची घोषणा अध्यक्ष फारुख शेख यांनी केली.
