धरणगाव (प्रतिनिधी) धरणगाव ग्रामीण रुग्णालयातील डॉ. जितेंद्र चव्हाण यांच्या कार्यतत्परतेमुळे उष्णघाताच्या फटका बसलेल्या तीन वर्षाच्या चिमुकल्याला जीवदान मिळाल्याची घटना शुक्रवारी मध्यरात्री घडली. धरणगाव नाईट गृप मध्यरात्री पालकांच्या मदतीला धावून आल्यामुळे अनर्थ टळला.
शुक्रवारी रात्री साधारण एक वाजता अत्यंत गरीब परिस्थिती असलेले भोणे येथील मनोज भिल यांचा 3 वर्षाच्या मुलाला उन्हाचा तडाखा बसल्याने त्याची लघवी बंद झाली होती. यामुळे बाळाचे पोट फुगून भयंकर त्रास होऊ लागला होता. मध्यरात्री त्याच्यावर उपचार होणे कामी गावातील कोणताही दवाखाना सुरू नसल्याने धरणी चौकात नाईट ग्रुप सदस्याजवळ त्यांनी विनंती केली की, काहीही करा पण आमच्या ह्या लहान मुलाचा जीव वाचविण्यासाठी मदत करा. नाईट ग्रुपच्या सदस्यांनी मुलाला सोबत घेत धरणगाव ग्रामीण रुग्णालय गाठले. त्यानंतर ग्रामीण रुग्णालयातील डॉ. चव्हाण याचांशी संवाद साधण्यात आला व डाॅ चव्हाण त्यांची हजर असलेल्या टीमने लगेच प्रथमोपचार सुरू केले. त्यामुळे बाळाला जळगाव येथे घेऊन जाण्याची सुद्धा गरज पडली नाही व अगदी योग्य पद्धतीने त्याच्यावर उपचार करण्यात डॉ. चव्हाण यांना यश आले.
यानंतर धरणगाव ग्रामीण रुग्णालयातील डॉ. चव्हाण यांचे नाईट ग्रुपतर्फे काल रात्री विशेष आभार व्यक्त करण्यात आले. या प्रसंगी नाईट गृपचे जेष्ठ कार्यकर्ते दिपक वाघमारे, समीर भाटिया, राजू ओस्तवाल, सिताराम मराठे, ऍड सागर बाजपाई, अजय महाजन, ऍड मंगेश लोहार, राहुल वाघ, तसेच नाईट ग्रुप धरणीचे अध्यक्ष एकनाथजी वाघ यांच्यासह आदि कार्यकर्ते उपस्थित होते.
