जळगाव (शहाबाज देशपांडे) : भोईटे नगर येथील रहिवासी डॉ. उमेर रियाज देशपांडे यांनी मुंबई येथील सर जे. जे. रुग्णालय समूहातून एमबीबीएसच्या अंतिम परीक्षेत विशेष प्राविण्यासह प्रथम श्रेणीत उत्तीर्ण होत उल्लेखनीय यश संपादन केले आहे. त्यांच्या या यशाबद्दल विविध स्तरांतून अभिनंदन व कौतुकाचा वर्षाव होत आहे.
डॉ. उमेर यांनी एमबीबीएसच्या अंतिम परीक्षेत ६२.६७ टक्के गुण मिळवून प्रथम श्रेणीत यश मिळविले. त्यांचे प्राथमिक व माध्यमिक शिक्षण जळगाव येथील इंग्लिश मीडियम स्कूलमध्ये झाले. शालेय जीवनापासूनच त्यांनी अभ्यासासोबत क्रीडा क्षेत्रातही सक्रिय सहभाग नोंदविला असून विविध उपक्रमांमध्ये उल्लेखनीय कामगिरी केली आहे.
डॉ. उमेर हे राज्यस्तरीय बॅडमिंटनपटू असून, खेळ आणि शिक्षण यांचा उत्कृष्ट समतोल साधत त्यांनी हे यश मिळविले आहे. वैद्यकीय शिक्षणाचा प्रवास आव्हानात्मक असला तरी जिद्द, कठोर परिश्रम आणि सातत्य यांच्या बळावर त्यांनी ही यशस्वी कामगिरी बजावली आहे.
भविष्यात वैद्यकीय शिक्षण व सेवाक्षेत्रात अधिक उत्तुंग यश संपादन करण्याचा संकल्प डॉ. उमेर यांनी व्यक्त केला आहे. आपल्या यशाचे श्रेय देताना त्यांनी वडील रियाज देशपांडे तसेच आई डॉ. फरहाना देशपांडे यांच्या मार्गदर्शन, प्रोत्साहन आणि पाठिंब्याचा विशेष उल्लेख केला.
त्यांच्या या यशाबद्दल आजोबा प्रा. तालीब देशमुख, आजोबा सलीम देशपांडे, डॉ. मोईज देशपांडे, डॉ. परवेज देशपांडे, रमिज देशपांडे, डॉ. रागीब देशमुख, डॉ. आकीब देशमुख, अरशद देशमुख यांच्यासह विविध क्षेत्रातील मान्यवरांनी त्यांचे अभिनंदन केले आहे.
वैद्यकीय क्षेत्रातील या उल्लेखनीय यशामुळे डॉ. उमेर देशपांडे यांच्यावर सर्वत्र शुभेच्छांचा वर्षाव होत असून, त्यांच्या भावी वाटचालीस शुभेच्छा व्यक्त करण्यात येत आहेत.
