धरणगाव (प्रतिनिधी) खासदार उन्मेष पाटील यांचा एकेरी व शिवराळ भाषेत उल्लेख करणाऱ्यांवर कडक कारवाई करा, अशी तक्रार भारतीय जनता पार्टीने धरणगाव पोलिसांकडे केली आहे.
भारतीय जनता पार्टी धरणगाव तालुक्याच्या वतीने पोलीस स्टेशनला तक्रार देण्यात आली की, खा.उन्मेषदादा पाटील यांच्याविषयी आमदार तथा जिल्हाध्यक्ष राजुमामा भोळे यांच्या घराबाहेर व संपर्क कार्यालयाबाहेर मध्यरात्री बदनामीकारक मजकूर लिहिण्यात आला. त्यावेळेस राजुमामा स्वतः घराबाहेर आले असता त्यांना MH 19 4141 या गाडीत चार पाच जण पळ काढतांना दिसले. सदर लिखाणातून आमचे नेते खासदार उन्मेषदादा पाटील व आमदार राजूमामा भोळे यांच्या प्रतिमेला धक्का बसला व या लोकांपासून आमच्या दोघी नेत्यांच्या जीवितास धोका आहे, तरी या घटनेची सखोल चौकशी करून संबंधितावर कडक कारवाई करावी अन्यथा कार्यकर्त्यांचा भावनेचा उद्रेक झाल्यास प्रशासन जवाबदार राहील.
तसेच दि. १८ जानेवारी २०२२ रोजी पाळधी पोलीस स्टेशनच्या आवारात पोलीस उपनिरीक्षक साहेबांसमोर पंचायत समितीचे माजी सभापती मुकुंद न्ननवरे, प्रताप गुलाबराव पाटील, संजय लोटन पाटील, विक्रम पाटील इत्यादींनी खासदार उन्मेषदादा पाटील यांच्याबाबत शिवराळ भाषा वापरली आहे. त्याआशयाचा व्हिडीओ देखील सोशल मीडियावर प्रसारित केलेला आहे. वरील दोन्ही घटना लक्षात घेता संबंधितावर लवकरात लवकर गुन्हे दाखल करण्यात यावा, अन्यथा भारतीय जनता पार्टी तीव्र स्वरूपाचे आंदोलन करण्यात येईल.
तक्रार देतेवेळी भाजप ओबीसी जिल्हाध्यक्ष अँड.संजय महाजन, अँड.वसंतराव भोलाने, पुनीलाल अप्पा महाजन, शेखरदादा पाटील, ता.सरचिटणीस सुनिल पाटील, शहराध्यक्ष दिलीप महाजन, नगरसेवक ललित येवले, भालचंद्र माळी, युवा मोर्चा तालुकाध्यक्ष निर्दोष पाटील, कन्हैया रायपूरकर, शरद भोई, मधुकर पाटील, विशाल पाटील, सचिन पाटील, निलेश महाजन आदी पदाधिकारी कार्यकर्ते उपस्थित होते.
