मुंबई (वृत्तसंस्था) शिवसेनेच्या खासदार भावना गवळी यांच्या अडचणीत आता वाढ होताना दिसत आहे. भावना गवळींच्या कंपनीच्या संचालकाला ईडीकडून अटक झाल्यावर आता भावना गवळींना ईडीकडून समन्स आले आहे. त्यानुसार आता भावना गवळी यांना येत्या ४ ऑक्टोबर रोजी चौकशीसाठी ईडी कार्यालयात चौकशीसाठी हजर राहण्याचे आदेश देण्यात आले आहेत.
खासदार भावना गवळी यांच्या शिक्षण संस्था आणि कृषी उत्पादन संस्थांवर ३० ऑगस्टला ईडीने छापेमारी केली होती. जवळपास नऊ ठिकाणी ही छापेमारी करण्यात आली होती. तसेच बालाजी पार्टीकल बोर्ड या कारखान्यामध्ये घोटाळा झाल्याचा आरोप खासदार गवळींवर आहेत. मिळालेल्या बातमीनुसार शिवसेना खासदार भावना गवळीना ईडीकडून समन्स जारी करण्यात आला आहे. यानंतर सोमवारी (ता.४ ऑक्टोबर) हजर राहण्याचे आदेश ईडीकडून देण्यात आला आहे. भावना गवळीच्या ट्रस्टच्या संचालक सईद खानला नुकतीच ईडीने अटक केली होती. ट्रस्टला कंपनी रुपांतर केल्याचा आरोप ठेवण्यात आला आहे.
