भुसावळ (प्रतिनिधी) शहरातील खडका रोडवरील मणियार हॉल जवळील सिद्धेश्वर मंदिरा जवळ दोन गटात भांडण झाले होते. दोघांविरुद्ध बाजारपेठ पोलीस स्टेशनला १६ ऑगस्ट २०२० रोजी गुन्हा दाखल करण्यात आला होता. त्यातील अकरा महिन्यापासून फरार आरोपींना आज अटक करण्यात आली आहे.
सविस्तर वृत्त असे की, फिर्यादी अर्फुनिसा शेख अफझल (वय ४९ रा. आझाद नगर खडका रोड भुसावळ यांनी दिलेल्या फिर्यादीवरून दिनांक १६ ऑगस्ट २०२० रोजी गुरुन ८०१/२०२० व ७९०/२०२० प्रमाणे परस्परांविरुद्ध कलम ३२६,३२४,३२३, ३४१,५०४,५०६,३४ प्रमाणे गुन्हा दाखल करण्यात आला होता. यामध्ये फिर्यादीच्या भावाला गाडी आडवी लावून त्यांना रॉड व लाथाबुक्यांनी लाकडी दांड्याने आरोपी शेख दानिश उर्फ बबन शेख नासिर (वय २७) व शेख नासिर शेख सरदार (वय ५२ शेख) नासिर हे रेल्वे कर्मचारी आहे. व दोघे रा. खडका रोडवरील मणियार हॉल जवळील सिद्धेश्वर मंदिरा जवळ राहत असून महिलेला मारहाण केले होते. त्याबाबत बाजारपेठ पोलीस स्टेशनला गुन्हा दाखल करण्यात आला होता. त्या दिवसापासून दोघे आरोपी फरार होते. हे दोघे भुसावळ शहरात राहता घरी असल्याची गुप्त बातमी बातमीदाराकडून प्राप्त झाल्याने उपविभागीय पोलीस अधिकारी सोमनाथ वाघचौरे व बाजारपेठ पोलीस स्टेशनचे निरीक्षक दिलीप भागवत यांनी सापळा रचून दोघे आरोपीस आजअटक केली असून दोघांना न्यायालयात हजर केले असता दोन दिवसांची पोलीस कोठडी सूनविण्यात आली आहे.
