भडगाव (प्रतिनिधी) राष्ट्रीय महामार्गावरील पासर्डी गावाच्या पुढे डंपरने दिलेल्या धडकेत पिकअप वाहनाचा क्लिनर ठार झाल्याची दुर्दैवी घटना घडली.
या संदर्भात अधिक असे की, राष्ट्रीय महामार्गावरील पसर्डी गावाच्या पुढे बालाजी टी सेंटरच्या समोर डंपरने (एमएच १५ एच एच९६/५८) भाजीपाला वाहतूकच्या पिअप वाहनास मागून जोरदार धडक दिली. यात पिकअप गाडीचा क्लिनर सारंग श्रीधर माळी (वय ३५, रा. पिंपळगाव हरेश्वर, ता. पाचोरा) हा जागीच ठार झाला. तर हायवा डंपर चालक व क्लिनर सोमनाथ अशोक सोनवणे (रा. सिन्नर) हे जखमी झाले.
या अपघातात दोन्ही वाहनांचे मोठे नुकसान झाले. याबाबत शांताराम रामदास करवंद (वय २५, रा. भोजे ता. पाचोरा) यांच्या फिर्यादीवरून डंपर चालक सुनील संपत घुगे (रा. सिन्नर जि. नासिक) याच्या विरोधात भडगाव पोलिस ठाण्यात गुन्हा दाखल करण्यात आला असून पुढील तपास सहाय्यक फौजदार छबुलाला नागरे हे करीत आहे.
