जळगाव (प्रतिनिधी) – रात्रीच्या वेळी वीज गेल्याने कुटुंब गच्चीवर झोपण्यासाठी गेलेले असताना चोरट्यांनी दरवाजाचे कुलूप तोडून वे १८ ग्रॅम वजनाच्या सोन्याच्या दागिन्यांसह चांदीचे दागिने चोरुन नेले. ही घटना दि. २४ मे रोजी मध्यरात्रीच्या सुमारास घडली. याप्रकरणी दि.३० मे रोजी तालुका पोलिस ठाण्यात गुन्हा दाखल करण्यात आला आहे.
शहरातील वैष्णवी पार्क परिसरातील सचिन रमेश भोई (वय ४२) हे रिक्षाचालक आहे. रात्री वीज गेल्याने उकाडा होत असल्यामुळे भोई कुटुंबीय गच्चीवर झोपण्यासाठी गेले. मध्यरात्री चोरट्यांनी लोखंडी दरवाजाचे कुलूप तोडून व लाकडी दरवाजाची कडी उघडून घरात प्रवेश केला. घरातील कपाट असलेले १० ग्रॅम वजनाची सोनपोत, ८ ग्रॅम वजनाचे सोन्याचे टोंगल, १० भार वजनाचे चांदीचे वेल, ३ भार चांदीचे गोठ असा एकूण १३ हजार २०० रुपये किमतीचा मुद्देमाल चोरट्यांनी चोरून नेला.
लघुशंकेसाठी उठल्यानंतर घटना उघडकीस
मध्यरात्री भोई हे लघुशंकेसाठी उठले त्या वेळी ही घटना उघडकीस आली. या प्रकरणी ३० मे रोजी तालुका पोलिस ठाण्यात देण्यात आलेल्या फिर्यादीवरून अज्ञात चोरट्याविरुद्ध गुन्हा दाखल करण्यात आला आहे. तपास पोहेकॉ योगेश पाटील करीत आहेत.
घटनास्थळी मिळून आली चप्पल
पोलिसांनी घटनास्थळभपाहणी केल्यानंतर त्यांना चोरट्याची चप्पल मिळून आली. दरम्यान, चोरी केल्यानंतर चोरटा घाई गडबडीमध्ये पळून जाण्याच्या प्रयत्नात चप्पत तेथेच सोडून गेल्याचा अंदाज पोलिसांनी वर्तविला. दरम्यान, पोलिसी ती चप्पल जप्त केली आहे.
