लखनऊ (वृत्तसंस्था) हाथरस येथील सामूहिक बलात्कार व हत्याकांडाने अवघा देश हादरलेला असतांना अवघ्या चार वर्षांच्या चिमुकलीवर दोन अल्पवयीन मुलांकडून बलात्कार करण्यात आल्याची खळबळजनक घटना घडली आहे.
उत्तर प्रदेशमधील हाथरस येथे एका अवघ्या चार वर्षांच्या चिमुकलीवर दोन अल्पवयीन मुलांकडून बलात्कार करण्यात आल्याची घटना घडली आहे. या दोन्ही मुलांना पोलिसांनी ताब्यात घेतले आहे. हाथरसमधील ही घटना गुरुवारी घडली असल्याचे पोलिसांकडून सांगण्यात आले आहे. याप्रकरणी ताब्यात घेण्यात आलेल्या मुलांचे वय ९ व १२ वर्ष असल्याचे सांगण्यात आले आहे. पोलिसांनी या प्रकरणी ताब्यात घेतलेले दोन्ही मुलं एकाच गावातील आहेत. दरम्यान, दिवसेंदिवस उत्तर प्रदेशमधील वाढत्या गुन्हेगारी घटनांमुळे येथील कायदा व सुव्यवस्थेबाबत प्रश्न निर्माण झाला आहे.
