धरणगाव (प्रतिनिधी) तालुक्यातील पिंप्री येथील एका घरातून तब्बल २ लाख ३२ हजार रुपयांचे सोने चांदीचे दागिने व रोकड लंपास केल्याप्रकरणी अनोळखी चोरट्या विरोधात गुन्हा दाखल करण्यात आला आहे.
सविस्तर वृत्त असे कि, तालुक्यातील पिंप्री येथील रहिवासी लोटू मुरलीधर पाटील यांच्या श्री गुरुजी निवास येथे दि ५ रोजी भर दुपारी घरफोडीकरत अज्ञात चोरट्याने तब्बल २ लाख ३२ हजार रुपयांचे सोने चांदीचे दागिने व रोकड लंपास केले आहेत. या प्रकरणी धरणगाव पोलिसात लोटू मुरलीधर पाटील यांनी दिलेल्या फिर्यादीवरून अनोळखी चोरट्या विरोधात गुन्हा दाखल करण्यात आला आहे. या प्रकरणी पुढील तपास पोलीस निरीक्षक राहुल खताळ हे करीत आहेत.
