पाळधी ता. धरणगाव (प्रतिनिधी) येथे पालकमंत्री ना. गुलाबराव पाटील यांच्या समवेत उपस्थित शेतकऱ्यांना कृषी विभागामार्फत सोयाबीन उगवण क्षमता चाचणीचे प्रात्यक्षिक दाखवुन त्याबाबत मार्गदर्शन आत्मा बिटीएम दिपक नागपुरे यांनी उपस्थितांना केले. व सोयाबिन पिक व्यवस्थापना विषयाच्या भित्ती पत्रिकेचे विमोचन पालकमंत्र्यांच्या हस्ते करण्यात आले.
सदरील कार्यक्रम प्रसंगी पालकमंत्री ना. गुलाबराव पाटील, उपसभापती प्रेमराज पाटील, तालुका कृषी अधिकारी किरण देसले, मंडळ कृषी अधिकारी अरुण कोळी, तंत्र सहाय्यक राजेंद्र लोहार, किरण वायसे, चंद्रकांत जाधव, गजानन मोरे आत्मा बिटीएम दीपक नागपुरे, सकाळ पत्रकार दिपक झवर, नगराज पाटील आदी उपस्थित होते. सदरील कार्यक्रम प्रसंगी वंजारी ता. धरणगाव येथील शेतकरी शंकर काकडे यांना महाराष्ट्र राज्य फलोत्पादन व औषधी वनस्पती मंडळाच्या अर्थ सहाय्यांतर्गत लहान ट्रॅक्टरचे पालकमंत्र्यांच्या हस्ते वितरण करण्यात आले.
