जळगाव (प्रतिनिधी|) शहरातील एका भागात राहणाऱ्या १६ वर्षीय अल्पवयीन मुलीला सोबतचे फोटो व्हायरल करण्याची धमकी देत २० वर्षीय तरूणाने ऑगस्ट २०२३ पासून अत्याचार केल्याचा धक्कादायक प्रकार समोर आला आहे. याप्रकरणात संशयित आरोपीला अटक करण्यात आली असून याबाबत गुरूवारी २६ सप्टेंबर रोजी सायंकाळी साडेसात वाजता शनीपेठ पोलीस ठाण्यात गुन्हा दाखल करण्यात आला आहे. करण दत्तू सोनवणे (वय-२०, रा. कांचननगर) असे संशयित आरोपीचे नपाव आहे.
जळगाव शहरातील एका भगात १६ वर्षीय मुलगी ही आपल्या परिवारासह वास्तव्याला आहे. पिडीत मुलगी ही इयत्ता दहावीत असल्यापासून संशयित आरोपी करण सोनवणे या तरुणाने तिचा पाठलाग करीत तिच्याशी ओळख निर्माण केली. त्यानंतर तिला वेळोवेळी दुचाकीवर फिरायला घेऊन जात असे. १० सप्टेंबर रोजी देखील या मुलीला ती शिक्षण घेत असलेल्या उच्च माध्यमिक विद्यालयापासून दुचाकीवर मेहरुण तलाव परिसरातील झाडाझुडपात घेऊन गेला. तेथे त्याने सोबतचे फोटो व्हायरल करून बदनामी करण्याची धमकी देत अत्याचार केला.
या प्रकरणी मुलीने गुरूवारी २६ सप्टेंबर रोजी सायंकाळी साडेसात वाजता शनिपेठ पोलिस ठाण्यात फिर्याद दिली. त्यावरून करण सोनवणे याच्याविरुद्ध गुन्हा दाखल करण्यात येऊन त्याला अटक करण्यात आले. पुढील तपास सपोनि प्रिया दातीर करीत आहेत.
