जळगाव (प्रतिनिधी) शहरात खुनाची मालिका सुरूच असून आज दुपारी पुन्हा एका तरुणाच्या खुनाने जळगाव हादरले आहे. शिवाजीनगर हुडकोत ३५ वर्षीय तरुणाचा खून झाला आहे. रिक्षा चालक नरेश आनंदा सोनवणे (वय-३५) असे मृत तरुणाचे नाव असल्याची प्राथमिक माहिती समोर आली आहे. यामुळे परिसरात खळबळ उडाली आहे.
तरुणावर सपासप वार
शहरातील समता नगरात काल रात्री झालेल्या हल्ल्यात सागर नरेंद्र पवार या तरुणाचा आज पहाटे मृत्यू झाल्याने खळबळ उडाली. या प्रकरणातील संशयिताला पोलिसांनी ताब्यात घेतले आहे. दरम्यान, यानंतर आज शिवाजी नगर परिसरात सुध्दा खून झाला. शिवाजीनगर भागातील रहिवासी नरेश आनंदा सोनवणे याच्यावर चॉपरने हल्ला केल्यामुळे त्याचा मृत्यू झाल्याची घटना आज घडली. या तरूणाला आज्ञात गुन्हेगाराने चॉपरने वार करून मारल्याचे पोलिसांच्या प्राथमिक तपासात समोर आले आहे. या घटनेची माहिती मिळताच तात्काळ पोलिसांनी घटनास्थळी धाव घेतली. आणि वेगाने तपासाला सुरूवात केलीय. आजच मध्यरात्रीही समतानगरात तरुणाच्या मानेवर वार करत खून झाला होता. एकाच दिवसात जळगाव शहरात दोन खून झाल्याने प्रचंड खळबळ उडाली आहे.
