जळगाव (प्रतिनिधी) शहरातील सत्यम पार्क,आव्हाणे रोड परिसरातील तरुणांनी आज महाराष्ट्र नवनिर्माण सेनेत प्रवेश केला. यावेळी दुर्गेश पन्हाळे यांची विभाग अध्यक्षपदी नियुक्ती करण्यात आली.
मनसे अध्यक्ष राज ठाकरे यांच्यावर विश्वास ठेवून व जळगावचे निरीक्षक तथा राज्य उपाध्यक्ष विनय भोईटे यांच्या मार्गदर्शनानुसार तथा महेंद्र सोनवणे, सतीश सैदाणे यांच्या प्रयत्नाने शहरातील सत्यम पार्क,आव्हाणे रोड परिसरातील तरुणांनी आज महाराष्ट्र नवनिर्माण सेनेत प्रवेश केला. यावेळी दुर्गेश पन्हाळे, कल्पेश पाटील, अथर्व शितोळे, हितेश पाटील, गौरव पाटील, प्रवीण चिल्लोरे, रितेश चौधरी, महेश वाघ, करण पवार, दीपक चिल्लोरे,विशाल सरदार या तरूणांनी राज ठाकरे यांचे विचार घराघरात पोहचवणार असल्याचा निर्धार केला. दरम्यान, सदर तरूणांनी पक्ष शिस्त,पक्ष ,या बाबत सविस्तर माहिती जाणून घेतली व निस्वार्थी मनाने पक्षाचे काम करू असा देखील संकल्प केला आहे. या प्रसंगी दुर्गेश पन्हाळे यांची विभाग अध्यक्षपदी नियुक्ती करण्यात आली. जिल्हाध्यक्ष अॅड.जमील देशपांडे यांच्या हस्ते नियुक्तीपत्र देण्यात आले. पक्षप्रवेश व नियुक्ती या कार्यक्रमात जेष्ठ पत्रकार अरुण इंगळे,मनसेचे महेंद्र सपकाळे सतीश सैंदाणे उपस्थित होते.
