जळगाव (प्रतिनिधी) हातात तलवार घेवून दहशत माजविणाऱ्या एका तरुणाला स्थानिक गुन्हे शाखेच्या पथकाने अटक केली आहे. प्रमोद शरद इंगळे (वय २६, रा. हरिविठ्ठल नगर) असे अटक केलेल्या तरूणाचे नाव आहे.
आज सकाळच्या सुमारास प्रमोद इंगळे हा हातात तलवार घेवून बाजारपट्ट्याजवळ आरडाओरड करुन दहशत माजवित होता. अशी माहिती स्थानिक गुन्हे शाखेचे कर्मचारी पंकज शिंदे यांना मिळाली होती.तत्पूर्वी लग्नातील हळदीच्या कार्यक्रमात हातात तलवार घेवून नाचत असल्याचा पंकजचा व्हीडीओ सोशल मिडीयावर व्हायरल झाला होता. आज प्रमोद इंगळे हा सकाळच्या सुमारास हातात तलवार घेवून बाजारपट्ट्याजवळ आरडाओरड करुन दहशत माजवित असल्याची माहिती स्थानिक गुन्हे शाखेचे कर्मचारी पंकज शिंदे यांना मिळाली. त्यांनी ही माहिती पोलीस निरीक्षक किरणकुमार बकाले यांना देताच त्यांनी प्रदिप पाटील, गोरखनाथ बागुल, महेश महाजन, विजय पाटील यांचे पथक कारवाईसाठी रवाना केले. या पथकाने प्रमोद इंगळे याला अटक केली. तसेच त्याच्याकडून २ हजार रुपये किंमतीची धारदार तलवार हस्तगत केली. याप्रकरणी जिल्हापेठ पोलीसात गुन्हा दाखल करण्यात आला आहे.
