पाचोरा (प्रतिनिधी) तालुक्यातील बाळद शिवारातील एका शेतकऱ्याच्या शेतातून तब्बल २ लाख ५० हजार किमतीचा मकाचे कणसे चोरून नेल्याची घटना घडली आहे. याप्रकरणी पाचोरा पोलिसात गुन्हा दाखल करण्यात आला आहे.
सविस्तर वृत्त असे की, तालुक्यातील बाळद शिवारातील जयश्री महेद्र पाटील यांच्या मालकीची शेती आहे. या शेतातून दि ११ रोजी सकाळी १० वाजता सुमारे २ लाख ५० हजार रुपये किमतीचे मक्याचे कणस चोरून नेल्याची धक्कादायक घटना घडली आहे . याप्रकरणी जयश्री महेद्र पाटील(वय ४२) यांनी पाचोरा पोलीस स्थानक गाठत संशयित आरोपी शेखर साहेबराव पाटील याच्या विरोधात गुन्हा दाखल केला आहे. पुढील तपास पोहेकॉ कैलास पाटील हे करीत आहेत.
