जळगाव (प्रतिनिधी) – आई-वडीलांकडून पाच लाख रुपये आणले नाही. म्हणून माधुरी योगेश्वर बाविस्कर (वय २६, रा. निमगव्हाण, ता. चोपडा, ह.मु. पिलखेडा, ता. जळगाव) या विवाहितेचा छळ केला. ही घटना उघडकीस आल्यानंतर दि. २१ रोजी तालुका पोलिसात गुन्हा दाखल केला. तालुक्यातील पिलखेडा येथे राहणाऱ्या माधुरी बाविस्कर या विवाहितेला सासऱ्यांनी पुणे येथे नवीन फ्लॅट घेण्याकरीता पाच लाख रुपयांची मागणी केली होती. विवाहितेने पैसे आणले नाही म्हणून सासरच्यांकडून विवाहितेचा छळ केला जात होता. ही घटना दि. १४ जानेवारी २०२४ ते दि. ७ फब्रुवारी २०२६ दरम्यान घडली. वारंवार होणारा छळ असह्य झाल्यानंतर विवाहितेने दि. २१ ऑगस्ट रोजी तालुका पोलिसात तक्रार दिली. त्यानुसार सासरच्या मंडळींविरुद्ध गुन्हा दाखल करण्यात आला आहे. तपास पोहेकॉ दिनेश चव्हाण हे करीत आहे.
