पाचोरा (प्रतिनिधी) तालुक्यातील एका गावातील १६ वर्षीय अल्पवयीन मतीमंद मुलीवर अज्ञात आरोपीने अत्याचार करीत तिला ५ महिन्याची गर्भवती केल्याची संतापजनक घटना उघडकीस आली आहे. या प्रकरणी पिंपळगाव (हरे.) पोलिसात गुन्हा दाखल करण्यात आला आहे.
पाचोरा तालुक्यातील एका गावातील पिडीत गतिमंद मुलीचे पालक नियमित शेतमजुरी कामासाठी जात असतात. त्यामुळे १६ वर्षीय मतीमंद मुलगी घरी एकटीच असायची. दि. १६ मे २०२३ रोजी पासून ते दि. १६ ऑक्टोबर २०२३ या दरम्यान अज्ञात संशयित आरोपीने पिडीता गतीमंद असल्याचा गैरफायदा घेत अत्याचार केला. मुलीची मासिक पाळी बंद झाली तसेच पोटाचा घेर वाढू लागल्यामुळे पिडीतेच्या घरच्यांना शंका आली. यामुळे पालकांनी तिला जळगाव शहरातील सरकारी रुग्णालयात तपासणी करण्यासाठी आणले असता, ती ५ ते ६ महिन्यांची गर्भवती असल्याचे उघड झाले. पिडीतेला याबाबत विचारणा केली तिला काहीही सांगता आले नाही.
यांनतर पिडीत मुलीच्या पालकांनी पाचोरा तालुक्यातील पिंपळगाव (हरे.) पोलिसात दि.१७ ऑक्टोबर रोजी धाव घेत अनोळखी संशयित आरोपी विरोधात अत्याचार केल्याप्रकरणी गुन्हा दाखल केला आहे. पुढील तपास पोलीस उपनिरीक्षक अमोल पवार हे करीत आहेत.
