चाळीसगाव (प्रतिनिधी) बिलाखेड गावासाठी भरघोस निधी उपलब्ध करून दिल्याबद्दल बिलाखेड वासीयांच्या वतीने आमदार मंगेशदादा चव्हाण यांचा नुकताच सत्कार करण्यात आला.
शहराजवळ असूनही तसेच गावातून चाळीसगाव शहर व चाळीसगाव MIDC येथे मोठ्या पाणीपुरवठा योजना जाऊन देखील गेली अनेक वर्षे बिलाखेड गावाला पाणीटंचाईचा सामना करावा लागत आहे. मोठ्या प्रमाणात शहरीकरण होत असलेल्या बिलाखेड गावाची पाणीटंचाई कायमस्वरूपी मिटवण्यासाठी जलजीवन मिशन अंतर्गत गिरणा धरणावरून रोहिणी, डोणदिगर व १७ गावे प्रादेशिक पाणीपुरवठा योजना (७५ कोटी) मध्ये बिलाखेड गावाचा समावेश करण्यात आला.
आज सदर पाणीपुरवठा योजनेचे भूमीपूजन तसेच बिलाखेड ते भोरस रस्ता – २ कोटी ५० लक्ष, माझ्या मूलभूत सुविधा (२५१५) निधीतून गावांतर्गत रस्ता सुधारणा करणे – १० लक्ष, स्मशानभूमी सुधारणा करणे – १० लक्ष, हनुमान मंदिराजवळ सभामंडप बांधकाम करणे – १५ लक्ष आदी कामांचे भूमीपूजन तसेच आमदार निधीतून श्री विठ्ठल मंदिर येथे खुले सभागृह – ८ लक्ष आणि मूलभूत सुविधा (२५१५) निधीतून बिलाखेड गावात मुख्य रस्त्यालगत पथदिवे बसविणे १० लक्ष आदी कामांचे लोकार्पण आज माझ्याहस्ते व मान्यवरांच्या उपस्थितीत करण्यात आले.
यावेळी बिलाखेड गावासाठी भरघोस निधी उपलब्ध करून दिल्याबद्दल बिलाखेड वासीयांच्या वतीने आमदार मंगेशदादा चव्हाण यांचा सत्कार करण्यात आला. पुढील काळात देखील बिलाखेड गावाच्या विकासासाठी जास्तीत जास्त निधी देण्याचे आश्वासन आ. चव्हाण यांनी यावेळी उपस्थित सरपंच, उपसरपंच, ग्रामपंचायत सदस्य, ग्रामस्थ यांना दिले.