नगरदेवळा, ता. पाचोरा (प्रतिनिधी) नगरदेवळा गावात नागिन आणि तिच्या १६ पिल्लाना जीवदान देण्याचे कार्य नुकतेच बाळद येथील सर्पमित्र सागर पाटील व भडगाव येथील सर्पमित्र सागर महाजन यांनी केले आहे.
नगरदेवळा येथील शेतकरी छोटू दत्तू पाटील यांच्या वडगाव शिवारातील शेतात काम करत असताना सर्प आढळला. त्यांनी त्वरित सर्पमित्र सागर पाटील यांच्याशी संपर्क साधून बोलावून घेतले.
घटनेच्या ठिकाणी सागर पाटील यांनी निरीक्षण केले असता त्यांच्या लक्षात आले की, येथे नुसती नागीणच नाही तर अजून पिल्ले असू शकतात. त्यानंतर त्यांनी एका मागोमाग एक असे १६ पिल्ले काढून त्या सर्वांना जीवदान दिले. या वेळी शेतकरी छोटू दत्तू पाटील, किरण राजपूत, कडू बहिरम व परिसरातील शेतकरी उपस्थित होते.
