राष्ट्रवादी काँग्रेस शरदचंद्र पवार पक्षातर्फे ५० शिक्षकांच्या शिक्षक दिनानिमित्त सत्कार सोहळा संपन्न

जळगाव (प्रतिनिधी) :- 5 सप्टेंबर शिक्षक दिनाचे औचित्य साधून दि. ७ सप्टेंबर रोजी राष्ट्रवादी काँग्रेस शरदचंद्र पवार शिक्षक सेल तर्फे दरवर्षीप्रमाणे यावर्षी माजी राष्ट्रपती सर्वपल्ली डॉक्टर राधाकृष्णन यांच्या जयंती तसेच शिक्षक दिनानिमित्त शिक्षक सत्कार सोहळा पक्ष निरीक्षक भास्कर काळे साहेब यांच्या अध्यक्षतेखालील संपन्न झाला. या सोहळ्यात एकूण 50 पुरस्कार्थीचा सत्कार-सन्मान करण्यात आला. त्यात मुख्याध्यापक, शिक्षक, कलाशिक्षक, क्रीडाशिक्षक, शिक्षकेतर कर्मचारी व विद्यार्थिनीं खेळाडू यांचा समावेश करण्यात आला. याप्रसंगी मनोज भालेराव व प्रवीण धनगर यांच्या महाराष्ट्रभर गाजलेल्या उपक्रमांची दखल घेत त्यांचाही सत्कार करण्यात आला.कार्यक्रमाची सुरुवात महाराष्ट्रगीताने शिक्षक संजय क्षीरसागर यांनी सादर केले त्यांना राजू क्षीरसागर व सागर चौधरी यांनी संगीत साहाय्य केले.कार्यक्रमाचे प्रास्ताविक शिक्षक सेलचे महानगर अध्यक्ष मनोज भालेराव यांनी स्पष्ट केले. यावेळी जिल्हा अध्यक्ष प्रमोद बापू पाटील, महानगर अध्यक्ष एजाज़ भाई मलीक, प्रशासन अधिकारी खलील शेख, शिक्षण विस्तार अधिकारी विजय पवार, प्रमुख वक्ते रामचंद्र पाटील,जिल्हा समन्व्यक विकास पवार,विलास पाटील,प्रभाकर पारवे, संग्रामसिंग सूर्यवंशी, रिजवान खाटीक, अशोक लाडवंजारी,शाम ठाकरे,अजित चौधरी, गोविंदा लोखंडे, गणेश लोडते, तुळशीराम सोनवणे व दिलीप पाटील हे उपस्थित होते
आपल्या अध्यक्ष भाषणात भास्कर काळे यांनी शिक्षकांनी ज्ञानदानाचे कार्य करताना प्रमाणिकपणे विद्यार्थी घडवीताना देशाच्या प्रगतीसाठी योग्य भूमिका पार पाडावी असे मत व्यक्त केले तसेच प्रमोद पाटील यांनी शिक्षकांच्या समस्या वाढल्या बद्दल खंत व्यक्त केली तर एजाज़ मलीक यांनी शिक्षकाचे कर्तव्य व देशाच्या प्रगतीतील शिक्षकांचे कार्य स्पष्ट केले राम पाटील यांनी सांगितले की शिक्षकाने अध्यापणात आनंद आणला तर अध्यापन प्रक्रिया प्रभावी होते व विद्यार्थी घडतात.
कार्यक्रमाच्या यशस्वीतेसाठी शिक्षक सेलचे अध्यक्ष मनोज भालेराव,सचिव प्रवीण धनगर, कार्याध्यक्ष मुश्ताक भिस्ती, पंकज सुर्यवंशी,ज़िया बागवान,विजय विसपुते यांनी परिश्रम घेतले तर सूत्रसंचालन शिक्षक सेलचे कार्याध्यक्ष सागर पाटील यांनी केले आभार शिक्षक सेलचे उपाध्यक्ष मुश्ताक भिस्ती यांनी मानले.