पाचोरा (प्रतिनिधी) पाचोरा शहराकडून जळगावकडे जाणाऱ्या चारचाकी वाहनाने गोराडखेडा गावाजवळ दोन शाळकरी मुली आणि दोन वृद्धांना चिरडल्याची घटना गुरुवारी पावणेसहा वाजेच्या सुमारास घडली. या भीषण अपघातात एक वृद्ध व एक शालेय विद्यार्थिनीचा मृत्यू झाला आहे.
गोडारखेडा गावाजवळ झाला अपघात !
गोरखेडा येथे गुरुवारी सायंकाळी ५.४५ वाजेच्या सुमारास शाळेतून मुले तर शेतातून काही शेतकरी व शेतमजुर घराकडे येत होते. याच वेळी पाचोऱ्याकडून लाल रंगाची स्विप्ट डिझायर ही भरधाव चारचाकी वेगाने जळगावकडे जात होती. गोडारखेडा गावाजवळ याच वेळी पी. के. शिंदे शाळेतील नववीत शिक्षण घेणाऱ्या दुर्वा भागवत पाटील (वय १५) व ऋतुजा राजू भोईटे (वय १५) या विद्यार्थिनी सायकलीवर घराकडे येत होत्या, तर सुभाष रामा पाटील (वय ६०) व परशुराम दगा पाटील (वय ५२) हे देखील घराकडे जात होते. या भरधाव चारचाकीने या चारही जणांना चिरडले. यात परशुराम पाटील हे वाहनासह गाडीत अडकल्याने ही चारचाकी गावाजवळच थांबली, ही घटना इतकी भीषण होती की, अपघातानंतर काही क्षणातच सुभाष दगा पाटील व दुर्वा भागवत पाटील यांचा मृत्यू झाला. तर परशुराम पाटील यांना उपचारासाठी जळगाव येथे हलवण्यात आले असून ऋतुजा भोईटे या विद्यार्थिनीवर पाचोऱ्यात उपचार सुरू आहेत.
चालकासह चार तरूणांना ताब्यात !
ग्रामस्थांनी तत्काळ अपघातस्थळ गाढून चारचाकीने उडवून दिलेल्या सर्वांना रस्त्यालगतच्या शेतातून उचलून आणले. त्याच दरम्यान, जळगावकडून येणाऱ्या पोलीस गाडीने अपघातग्रस्त चारचाकीत बसलेल्या पाच तरूणांना तत्काळ पाचोरा पोलिसात आणले. या प्रकरणी पाचोरा पोलिसात उशिरापर्यंत गुन्हा नोंदवण्याचे काम सुरू होते. दरम्यान, ही घटना इतकी भीषण होती की, चारचाकी गाडीत अडकलेल्या जखमीला बाहेर काढण्यासाठी गाडी उलटी करावी लागली. दरम्यान, जळगावकडून येणाऱ्या पोलीस गाडीने तत्काळ गाडीतील चालकासह चार तरूणांना ताब्यात घेतले. यामुळे गोराडखेडा ग्रामस्थांनी रात्री उशिरापर्यंत रस्तारोको सुरुच ठेवला होता. या वेळी काही संतप्त नागरिकांनी अपघातग्रस्त चारचाकीला आग लावल्याचे समजते.
जळगावचे ५ तरुण लग्नासाठी आले होते पाचोऱ्यात !
अपघातग्रस्त चारचाकील पाच ही तरुण हे जळगाव येथून पाचोरा येथे एका लग्ग्रानिमित्त आल्याचे सूत्रांनी सांगितले. दरम्यान, पाचोरा येथील लग्न समारंभ आटोपल्यानंतर जळगावला परत जात असताना गुरुवारी सायंकाळच्या सुमारास हा अपघात घडला. दरम्यान, कार मधील तरुण मद्यधुंद असल्याचेही कळते.
संतप्त ग्रामस्थांनी रस्त्यावरच आंदोलन !
अपघातग्रस्त चारचाकीतील पाच ही तरुणारंना पोलिसांनी घटना घडताच ताब्यात घेऊन पोलिस ठाणे गाठले. यामुळे संतप्त झालेल्या ग्रामस्थांनी रास्तारोको केला. त्यानंतर अपगातग्रस्त चारचाकीही जाळून टाकली आहे.
यांच्यावर दाखल गुन्हा !
कार चालक मुजावीत शेख बसीर (वय २३) विवेक किशोर मराठे (वय २४) रौनक रवींद्र गुप्ता (वय २४), दुर्गेश योगेश पाथरवट (वय २०, बळीराम पेठ जळगाव), राजेश बांदल यांच्यावर गुन्हा दाखल झाला. ते मद्यधुंद अवस्थेत असल्याचे पोलिसांनी सांगितले. दरम्यान, संतप्त जमावाने त्यांना चांगलाच चोप दिला.
