पाळधी ता. धरणगाव (प्रतिनिधी) पाळधी खुर्द आणि बुद्रुक या दोन्ही गावांच्या निधीसाठी आपण आजवर कमतरता पडू दिली नसून दोन्ही गावच्या विकासासह मतदार संघात “गाव तिथे विकास कामे” केली आहे. त्यामुळे विकासासाठी जनतेचा आशीर्वाद महत्वाचा असतो. वैचारिक संस्कृती, सर्वांना सोबत घेऊन जाण्याची परंपरा याचबरोबर सतत सुरु असलेली विकास कामे यामुळे बुद्रुक व खुर्दहे दोन्ही गाव प्रगतशील ठरत आहे. दोन्ही पाळधी गावांसाठी शुद्ध पाण्याची पाणीपुरवठा योजना फिल्टर प्लांटसह पूर्ण झाली असून टेस्टिंगचे काम सुरु आहे. लवकरच पाळधी वासियांना फिल्टरचे पाणी मिळणार असल्याचे प्रतिपादन पाणीपुरवठा व स्वच्छता मंत्री तथा पालकमंत्री गुलाबराव पाटील यांनी केले ते पाळधी खुर्द येथे विकास कामाच्या लोकार्पण व भूमिपूजन प्रसंगी बोलत होते.
या कामांचे लोकार्पण व भूमिपूजन संपन्न
सुरुवातीला पालकमंत्री गुलाबराव पाटील हे मोटारसायकल वर बसून मोटार सायकल रैलीत सहभागी झाले. यावेळी पाळधी खुर्द येथे गावं अंतर्गत काँक्रीटीकरण – 68 लक्ष, व्यायाशाळां बांधकाम -15 लक्ष, जेष्ठ नागरिक व सभागृह – 27 लक्ष, पुलाचे बांधकाम – 12 लक्ष, रस्त्यांचे डांबरीकरण – 30 लक्ष, एल. ए. डी. पथदिवे – 20 लक्ष, 6 शाळा खोल्या बांधकाम – 60 लक्ष, बौद्ध विहार बांधकाम – 30 लक्ष, पेव्हिंग ब्लॉक – 20 लक्ष, अंगणवाडी बांधकाम 8.50 लक्ष अश्या एकूण 3 कोटींच्यावर कामांचे पालकमंत्री गुलाबराव पाटील यांच्या हस्ते भूमिपूजन व लोकार्पण करण्यात आले.
यांची होती प्रमुख उपस्थिती
कार्यक्रमाचे प्रास्ताविक व सूत्रसंचालन माजी सभापती मुकुंद नन्नवरे यांनी केले तर आभार सरपंच लक्ष्मीताई शरद कोळी यांनी मानले. या प्रसंगी शिवसेनेचे जिल्हाप्रमुख निलेश, जि.प. सदस्य प्रतापराव पाटील, शाळेचे चेअरमन विक्की पाटील, पाळधी खु. सरपंच लक्ष्मीताई कोळी, सामाजिक कार्यकर्ते शरद कोळी, पाळधी बु. सरपंच विजयसिंग पाटील, उपसरपंच भारतीताई पाटील, दिलीप पाटील, राहुल धनगर, भैया महाजन, ग्रामविकास अधिकारी डी. डी. पाठक, तालुका प्रमुख डी. ओ. पाटील, राष्ट्रवादीचे अरविंद मानकरी, माजी सभापती मुकुंद नन्नवरे, सचिन पवार, निसार देशमुख, परिसरातील सरपंच भागवत पाटील, कैलास पाटील, भिका नन्नवरे, सचिन बिऱ्हाडे, संजय माळी, राजू पाटील, संजय पाटील, दिपक भदाने, कांतीलाल पाटील, अनिल सोनवणे, संजय कुंभार, चंदू माळी यांच्यासह पदाधिकारी व ग्रामस्थ मोठ्या संख्येने उपस्थित होते.
विविध सामाजिक सभागृहासाठी निधी उपलब्ध
राजकारण आणि समाजकारण करत असताना आपण मोठ्या पदावर जातो तेव्हा आपण प्रत्येक समाजाचे आपल्याकडे काहीतरी देणे लागत या भावनेने पालकमंत्री गुलाबराव पाटील यांनी जिल्हा नियोजन मधून धरणगाव व नशिराबाद शहरातील विविध समाजच्या सामाजिक सभागृहासाठी भरघोस निधी उपलब्ध करून दिलेला आहे. यात कुंभार समाज सामाजिक सभागृह – 35 लक्ष, मराठा समाज सभागृह – 50 लक्ष, तेली समाज सभागृह – 50 लक्ष, माळी समाज सभागृह – 50 लक्ष, ब्राह्मण समाज सभागृह – 50 लक्ष, राजपूत समाज सभागृह – 28 लक्ष, माळी सभागृह समाज – 50 लक्ष, लहान माळीवाडा सभागृह – 50 लक्ष तर नशिराबाद येथील सुतार समाज सभागृह – 25 लक्ष, माळी समाज सभागृह – 35 लक्ष यांचा समावेश आहे. धरणगावातील या सर्व समाजातील पंच मंडळींनी पालकमंत्री गुलाबराव पाटील यांचे आभार मानले.
