नवी दिल्ली (वृत्तसंस्था) एकटंच टनलमध्ये हात हलवणे सोडा आणि आपली चुप्पी तोडा. प्रश्नांचा सामना करा, देश तुम्हाला खूप काही विचारतोय’ अशी टीका काँग्रेस नेते राहुल गांधी यांनी थेट पंतप्रधान नरेंद्र मोदी यांच्यावर केली आहे.
काँग्रेसचे नेते राहुल गांधी यांनी देखील यावरून पंतप्रधान मोदींवर टीकास्त्र सोडलं आहे. आपल्या ट्विटर अकाऊंटवरून राहुल यांनी बुधवारी (७ ऑक्टोबर) एक व्हिडीओ पोस्ट करून पंतप्रधानांवर निशाणा साधला आहे. पंतप्रधानजी एकट्याने बोगद्यात हात हलवणे सोडा, आपले मौन तोडा. प्रश्नांना सामोरे जा, देश तुम्हाला खूप काही विचारत आहे, असे राहुल गांधी यांनी म्हटले आहे. राहुल यांनी आपल्या भाषणाचा एक व्हिडिओ देखील शेअर केला आहे. दरम्यान, राहुल गांधी यांनी गेले तीन दिवस पंजाबमध्ये ट्रॅक्टर रॅली काढली होती. त्यानंतर ते मंगळवारी हरयाणाला पोहचलेत. इथे ते दोन दिवस सभा घेणार आहेत. त्यानंतर दिल्लीत या ‘शेती वाचवा यात्रे’चा शेवट होणार आहे.
