मुंबई (वृत्तसंस्था) मनसे अध्यक्ष राज ठाकरे हे कोरोनामुक्त झाले असून त्यांच्या चाचणीचा अहवाल आज निगेटिव्ह आला आहे. राज यांची आई कुंदाताई तसेच बहिणीनेही करोनावर मात केली आहे. याबाबत डॉ. जलील परकार यांनी माहिती दिली आहे.
महाराष्ट्र नवनिर्माण सेनेचे प्रमुख राज ठाकरे यांनी कोरोनावर मात केली आहे. तसेच, राज ठाकरे यांच्या मातोश्री कुंदाताई व त्यांची बहीण या देखील कोरोनामुक्त झाल्या आहेत. राज ठाकरे यांना कोरोना संसर्ग झाल्याचे २३ ऑक्टोबर रोजी उघड झाले होते. त्यानंतर त्यांना लीलावती रुग्णालयात दाखल करण्यात आले होते. उपचारानंतर त्यांना घरी सोडण्यात आले होते व त्यानंतर ते गृहविलगीकरणात होते. राज ठाकरे, त्यांच्या मातोश्री आणि त्यांच्या बहीणेने कोरोनाचे दोन्ही डोस घेतलेले आहेत. मात्र, त्यानंतर देखील त्यांचे कोरोना रिपोर्ट पॉझिटिव्ह आल्याचं समोर आलं होतं.
