जळगाव (प्रतिनिधी) रेल्वे स्थानकावर ओळख झालेल्या छत्तीगढ येथील परप्रांतीयाने भुसावळातील तरुणासोबत कुसुंबा येथे भागीदारीमध्ये ऑनलाईन गेमिंग सेंटर सुरु केले. केवळ चार ते पाच दिवसात या तरुणाने पैशांसाठी आपल्या भागीदारासह गेम खेळण्यासाठी येणाऱ्या अन्य दोघांच्या एक कट रचला. त्यानंतर छत्तीसगढ येथील साथीदारांच्या मदतीने जळगावातून तिघांचे अपहरण करीत त्यांना छत्तीसगढमधील एका हॉटेलमध्ये डांबून ठेवले. तरुणांच्या सुटकेसाठी २५ लाखांची खंडणी मागणाऱ्या परप्रांतीय अपहरणकर्त्यांच्या टोळीच्या एमआयडीसी पालिसांनी पर्दाफाश करीत छत्तीसगढ येथून चौघांच्या मुसक्या आवळल्या आहेत.
तिघांकडे भरपूर पैसे असल्याचा समज !
भुसावळ येथील विशाल अनिल शुबवानी याची रेल्वे स्थानकावर छत्तीसगढ येथील एका जणासोबत ओळख झाली. त्यानंतर त्यांनी जळगावातील कुसुंबा येथील सीटी सेंटर याठिकाणी भागीदारीमध्ये ऑनलाईन गेमिंगचा व्यवसाय सुरु केला. याठिकाणी रोहीस कैलास दर्डा, अजय ठाकरे हे देखील ऑनलाईन गेमिंग खेळण्यासाठी येत होते. ऑनलाईन गेम खेळणाऱ्या य तिघांकडे भरपूर पैसे असल्याच भागीदाराला संशय आला, आणि त्याने या तिघांचे अपहरण करण्याचा प्लॅन तयार केला. अपहरणासाठी त्याने छत्तीसगढ व उत्तरप्रदेशातील आपल्या सहकाऱ्यांना जळगावात बोलावून घेतले. त्यानंतर मध्यरात्रीच्या सुमारास रोहीत कैलास दर्डा, विशाल अनिल शुबवानी व अजय ठाकरे या तिघांना मारहाण करीत त्यांना चारचाकी वाहनात बसवून त्यांचे अपहरण करीत सागर लुल्ला यांच्याकडे २५ लाखांची खंडणी मागितल्याची घटना दि. २ जून रोजी उघडकीस आली होती.
खंडणीच्या रक्कम वाढल्यानंतर पोलिसात तक्रार !
अपहरण केलेल्या तरुणांच्या जीवाचे बरेवाईट होवू नये, म्हणून त्यांच्या कुटुंबियांनी पोलिसांना माहिती न देता. परस्पर १ लाख ९० हजार रुपये अपहरणकर्त्यांच्या खात्यावर ट्रान्सफर केले होते. परंतू त्यांच्याकडून पुन्हा आणखी खंडणीची रक्कम मागितली जात असल्याने सागर लुल्ला यांनी एमआयडीसी पोलिसात धाव घेत तक्रार दिली.
गावातून जाण्याचा निवडला मार्ग !
अपहरण करणाऱ्यांनी तिघ तरुणांना बेदम मारहाण करीत करीत वाहनातून बसवून त्यांना मध्यप्रदेशमार्गे छत्तीसगढ येथे घेवून गेले. अपहकरणकर्ते हे अपहरणाचा संशय येवू नये म्हणून त्यांनी महामार्गावरुन न जाता ते वेगवेगळ्या राज्यातील जिल्ह्यांमधून प्रवास करीत ते छत्तीसगढ येथे पोहचले. अपहरणाचा कट रचणारा मुख्य संशयित मात्र फरार असून पथक त्याच्या मागावर आहे.
तांत्रिक विश्लेषणावरुन फिरली तपासचक्रे !
गुन्ह्याचे गांभीर्य लक्षात घेता एमआयडीसी पोलिस ठाणचे पोलीस निरीक्षक बबन आव्हाड यांने पथक तयार केले. पथकाला अपहरण झालेल्यांचे मोबाईल बंद येत असल्याने तपासाला गती मिळत नव्हती. परंतु तांत्रीक विश्लेषणाच्या आधारवर पोलिसांनी तपास केला असता, त्यांना अपहरणकर्ते हे छत्तीसगढच्या दिशेने गेल्याचे समजले. त्यानुसार पथक लागलीच छत्तीसगढच्या दिशेने रवाना झाले. पथकाने राजनंदगाव येथील हॉटेलमध्ये डांबून ठेवलेल्या तिघांची अवघ्या चौवीस तासात सखरुप सटका केली.
कट रचणारा फरार तर अपहरणकर्ते जेरबंद !
अपहरणाचा कट रचणारा ऑनलाईन गेमिंगचा भागीदार हा फरार असून अपहरण करुन डांबून ठेवणाऱ्या अश्वनी हरीषकुमार माखीजा (रा. तेलीबांधा रायपुर, छत्तीसगढ), संजय आरतमनी मिश्रा (रा. रसुलहा, तहसील थाडापट्टी, जि. प्रतापगढ, उत्तरप्रदेश), दिलीप शेषनाथ मिश्रा (रा. न्यू चंगोरा भाटा थाना डीडी रायपुर, छत्तीसगढ) व आनंद श्रीतीर्थराज मिश्रा (रा. लखनऊ तेली बाग, उत्तरप्रदेश) या चौघांच्या मुसक्या आवळल्या. अटक `तील संशयितांवर खुना सारखे अनेक गंभीर गुन्हे दाखल आहेत. त्यांना न्यायालयाने चार दिवसांची पोलीस कोठडी सुनावली.
या पथकाची कारवाई
ही कारवाई पोलीस अधीक्षक महेश्वर रेड्डी, अप्पर पोलीस अधीक्षक अशोक नखाते, उपविभागीय पोलीस अधिकारी संदीप गावित, पोलीस निरीक्षक बबन आव्हाड यांच्या मार्गदर्शनाखाली पोलीस उपनिरीक्षक दीपक जगदाळे, किशोर पाटील, योगेश बारी, चंद्रकांत पाटील, किरण पाटील, चंदू पाटील, गणेश ठाकरे या पथकाने तब्बल दहा तास तपास करीत परप्रांतीय टोळीचा पर्दाफाश केला.
