धरणगाव, (प्रतिनिधी) – येथील कला, वाणिज्य व विज्ञान महाविद्यालयातील शिक्षकेतर कर्मचारी संजय भीमराव तोडे यांना कवयित्री बहिणाबाई चौधरी उत्तर महाराष्ट्र विद्यापीठ, जळगाव यांच्या वतीने प्रदान करण्यात येणारा सन २०२५ चा ‘उत्कृष्ट शिक्षकेतर कर्मचारी सेवा गौरव पुरस्कार’ देऊन सन्मानित करण्यात आले.
सावित्रीबाई फुले पुणे विद्यापीठाचे माजी कुलगुरू डॉ. सुरेश गोसावी आणि कवयित्री बहिणाबाई चौधरी उत्तर महाराष्ट्र विद्यापीठाचे माजी कुलगुरू डॉ. विजय माहेश्वरी यांच्या हस्ते हा पुरस्कार प्रदान करण्यात आला. यावेळी विद्यापीठाचे माजी प्र-कुलगुरू डॉ. सोपान इंगळे, कुलसचिव डॉ. विनोद पाटील, राज्यपाल नियुक्त व्यवस्थापन समिती सदस्य प्रा. डी. आर. पाटील, डॉ. राजेंद्र नन्नवरे, व्यवस्थापन समिती सदस्य डॉ. कांचन महाजन, शिक्षकेतर कर्मचारी संघटनेचे अध्यक्ष व व्यवस्थापन समिती सदस्य डॉ. ऋषिकेश चित्तम यांच्यासह विद्यापीठातील विविध मान्यवर उपस्थित होते.
संजय तोडे यांना विद्यापीठ स्तरावरील प्रतिष्ठेचा पुरस्कार मिळाल्याबद्दल प. रा. हायस्कूल संस्थेचे अध्यक्ष डॉ. अरुण कुलकर्णी, सचिव डॉ. मिलिंद डहाळे, संचालक अजय शेट पगारिया, महाविद्यालयाचे प्राचार्य डॉ. उदय जगताप, उपप्राचार्य डॉ. ए. डी. वळवी, डॉ. के. एम. पाटील, प्रा. सी. एस. पाटील, इंग्रजी विभागप्रमुख डॉ. प्रवीण बोरसे, प्रा. एम. यू. पाटील, प. रा. हायस्कूलचे मुख्याध्यापक डी. एस. पाटील, प्रा. बी. एन. चौधरी, डॉ. संजीवकुमार सोनवणे, पंकज महाविद्यालय, चोपडा येथील प्राचार्य डॉ. किशोर सोनवणे, मराठी विभागप्रमुख डॉ. मधुचंद्र भुसारे, उपप्राचार्य डॉ. सूर्यवंशी, डॉ. वाघ, डॉ. मंगेश पाटील तसेच जिल्हा परिषद जळगाव येथील लघुसिंचन विभागातील आस्थापना अधिकारी बाबुलाल शिरसाठ, छगन अंभोरे यांच्यासह धरणगाव व जळगाव परिसरातील महाविद्यालयांतील वरिष्ठ व कनिष्ठ महाविद्यालयांचे सेवानिवृत्त प्राध्यापक, शिक्षक व शिक्षकेतर कर्मचाऱ्यांनी त्यांचा सत्कार करून पुढील वाटचालीस शुभेच्छा दिल्या.
