परभणी (वृत्तसंस्था) अगदी आठ महिन्या पूर्वी लग्न झालेल्या नवविवाहित जोडप्यानी विषारी औषध पिऊन आत्महत्या केल्याची घटना पूर्णा तालुक्यातील (Purna Taluka) पूर्णा ते झिरो फाटा रस्त्यावरील कात्नेश्वर गावात घडली. या प्रकरणी पोलिसांनी पंचनामा करून अकस्मात मूत्युची नोंद केली आहे. मात्र या जोडप्यानी आत्महत्या का केली याचे नेमके कारण समजू शकले नाही.
कातनेश्वर येथील मयत युवक गंगाधर विश्वनाथ चापके (वय २४) याचा मागील आठ महिन्यापूर्वी पिंपळगाव कुठे येथील सपना या युवतीशी विवाह संपन्न झाला होता. दरम्यान आठ महिन्यानंतर विवाह झाल्यानंतर विवाहाची सुखी संसाराची वाटचाल सुरू असतानाच दिनांक ८ जानेवारी रोजी शनिवारी रात्री आपल्या राहत्या घरी या कुटुंबातील गंगाधर विश्वनाथ चापके त्याची पत्नी सपना विश्वनाथ चापके (वय २२) दोघांनी जेवण केले व आपल्या खोलीमध्ये झोपले होते परंतु मध्यरात्री त्यांनी दोघांनी विषारी औषध प्राशन केले. दरम्यान सकाळी सपना व गंगाधर झोपेतून उठत नसल्यामुळे जवळच्या नातेवाईकांनी त्यांना उठविण्याचा प्रयत्न केला असता दोघीही मृत अवस्थेमध्ये घटनास्थळी आढळून आले. दरम्यान या घटनेची माहिती पूर्णा पोलिसांना देण्यात आली.
दिनांक ९ जानेवारी सकाळी आठच्या दरम्यान पूर्णा पोलीस निरीक्षक सुभाष मारकड, सहाय्यक पोलीस निरीक्षक भाले, घाटे अर्जुन रणखांब, विष्णू भोसले, कांबळे सहकर्मचारी घटनास्थळी दाखल झाले, त्यांनी घटनास्थळी पंचनामा केला व प्रेत ताब्यात घेऊन पूर्णा येथील ग्रामीण रुग्णालय मध्ये शवविच्छेदनासाठी दाखल केले. दरम्यान शवविच्छेदन झाल्यानंतर दुपारी १२ ते १ च्या दरम्यान या दोघांचे मृतदेह नातेवाईकांच्या ताब्यात देण्यात आले असून या प्रकरणी पूर्णा पोलीस स्थानकात अकस्मात मृत्यूची नोंद करण्यात आली आहे. पुढील तपास पूर्णा पोलीस करत आहेत.
