रिवा (वृत्तसंस्था) मध्यप्रदेशातील रिवा जिल्ह्यातल्या गढ पोलीस स्टेशन परिसरात एक धक्कादायक घटना समोर आली आहे. आपल्या बहिणीवर झालेल्या बलात्काराचा सूड उगवण्यासाठी दोन भावांनी आरोपीच्या अल्पवयीन बहिणीवर सामूहिक बलात्कार केला आहे. याप्रकरणी पोलिसांत गुन्हा दाखल करण्यात आला असून आरोपींचा शोध घेतला जात आहे.
पोलीस ठाण्यात दिलेल्या तक्रारीनुसार, रविवारी (दि.१९ सप्टेंबर) मुलीचे आई-वडील मजुरीसाठी घराबाहेर गेले होते. ती घरी एकटी होती. यावेळी दोन्ही आरोपी भावांनी जबरदस्तीने मुलीच्या घरात प्रवेश केला आणि घराला आतून कुलूप लावले. यानंतर दोघांनी पीडितेवर बलात्कार केला आणि गुन्हा केल्यानंतर घटनास्थळावरून पळ काढला. ज्या दोन भावांवर सामूहिक बलात्काराचा आरोप आहे, त्यांच्या बहिणीवर ७ महिन्यांपूर्वी एका तरुणावर बलात्काराचा आरोप केला होता. सदर प्रकरणातील पीडितेचा तो सक्खा भाऊ आहे. मात्र, पोलिसांना भीती आहे की ही तक्रारही खोटी असू शकते, म्हणूनच या प्रकरणाची सखोल चौकशी केली जात आहे.
या घटनेबाबत मुलीने स्वतः पोलीस ठाण्यात येऊन आरोपी तरुणांविरोधात तक्रार दाखल केली. पोलिसांनी आरोपीविरुद्ध भारतीय दंड संहितेच्या संबंधित कलमांखाली गुन्हा दाखल केला आहे. घटनेनंतर दोन्ही आरोपी फरार आहेत. पोलीस पथक या प्रकरणाचा तपास करत असून वस्तुस्थितीच्या आधारे पुढील कारवाई केली जाईल आणि दोषींवर कडक कारवाई केली जाईल असे पोलीस अधिकाऱ्यांनी सांगितले आहे.
