जळगाव (प्रतिनिधी) कवियत्री बहिणाबाई चौधरी उत्तर महाराष्ट्र विद्यापीठात पुणे विद्यापीठामध्ये सुरु केलेल्या छत्रपती शिवरायांवर डिप्लोमा कोर्स सुरु करण्यात यावा, अशी मागणी राष्ट्रवादी काँग्रेस पक्षाचे सचिव अँड. कुणाल पवार व राष्ट्रवादी विद्यार्थी काँग्रेसचे प्रदेश सचिव भुषण भदाने यांनी प्रभारी कुलगुरु यांना एका निवेदनाद्वारे केली आहे.
निवेदनात म्हंटले आहे की, सावियत्रीबाई फुले पुणे विद्यापिठात छत्रपती शिवरायांवर डिप्लोमा कोर्स सुरु करण्यात आला आहे. त्याचप्रमाणे आपल्या कवियत्री बहिणाबाई चौधरी उत्तर महाराष्ट्र विद्यापिठानेही छत्रपती शिवारायांनवर डिप्लोमा कोर्स सुरु करावा. जेणेकरुन छत्रपती शिवरांयांची युद्धनिती, महाराजांचे प्रशासक म्हणुन असलेले कार्य, त्यांनी राबविलेल्या कल्याणकारी योजना त्या काळात अर्थ व्यवस्था कशी मजबूत ठेवली गेली. स्वराज्य स्थापनेसाठी राबवलेले युद्धनितीतील बारकावे या सर्व विषयी अभ्यासक्रम राबवावा, आपल्या विद्यापीठामध्ये एका खासदारांनी दिलेली शिष्यवृत्तीची रक्कम देखील पडून आहे. कारण त्यासाठी विद्यार्थी उपलब्ध नाही, असे माहिती अधिकारात उत्तर दिले आहे. त्यामुळे पुणे विद्यापीठाचा चांगला आदर्श आपल्या विद्यापीठाने देखील घ्यावा, जेणे करून शिवाजी महाराज यांच्या जीवन शैलीचे अनुकरण ह्या माध्यमातून विद्यार्थी करतील, त्यामुळे तत्काळ निर्णय घेवून विद्यार्थी वर्गास सदर अभ्यास क्रम सुरू करावा, असे निवेदनात म्हंटले आहे.
