पाचोरा (प्रतिनिधी) तालुक्यातील दहिगाव संत शिवारातील शेत गट नं १५० मध्ये असलेल्या पोल्ट्रीफॉर्म मधील सातपुडा जातीच्या १०० कोंबड्या चोरी झाल्याची घटना उघडकीस आली आहे. याप्रकरणी पाचोरा पोलीस स्थानकात अज्ञात चोरट्याविरुद्ध गुन्हा दाखल करण्यात आला आहे.
यासंदर्भात अधिक असे की, राजेंद्र भिल पाटील (वय ६३, रा. दहिगाव संत ता. पाचोरा ह. म. ३४/३ यशोधन उज्ज्वल इंग्लिश शाळेजवळ, आदर्श नगर, जळगाव) यांचे दहीगाव संत ता. पाचोरा शिवारातील शेत गट नं. १५० मध्ये स्वत:चे पोल्ट्रीफॉर्म आहे. दि. ४ मे २०२२ रोजी सायकांळी ७ ते दि. ५ मे २०२२ रोजीचे सकाळी ७ वाजेच्या दरम्यान अज्ञात चोरट्याने पोल्ट्रीफाम कुंपनाची तातरेची जाळी तोडून आत प्रवेश केला. त्यानंतर २० हजार रुपये किंमतीच्या सातपुडा जातीच्या सुमारे १०० जिवंत कोंबड्या चोरुन नेल्या आहेत. याप्रकरणी पाचोरा पोलीस स्थानकात अज्ञात चोरट्याविरुद्ध गुन्हा दाखल करण्यात आला असून पुढील तपास पोहेकॉ भगवान बडगुजर हे करीत आहेत.
