मुंबई (वृत्तसंस्था) प्रवीण चव्हाण आधी बीएचआरचे संस्थापक प्रमोद रायसोनी यांचे वकील होते. या कनेक्शनची माहिती आपल्याला मिळाली असून याबाबत आपण चौकशी करत असल्याची माहिती आज देवेंद्र फडणवीस (Devendra Fadnavis) यांनी दिली.
या संदर्भात विचारण्यात आलेल्या प्रश्नावर फडणवीस म्हणाले की, “प्रवीण चव्हाण हे वकील असले तरी मी देखील वकील असल्याचे त्यांनी लक्षात घेण्याची गरज आहे. ते काय युक्तीवाद करतील याची माहिती आपल्याला आधीच होती. यामुळे आम्ही आधीच योग्य ती काळजी घेतली आहे. आम्ही विधानसभाध्यक्षांकडे पेन ड्राईव्हमध्ये दिलेल्या पुराव्यांच्या जोडीला अजून नवीन पुरावे जमा केले असून ते आमच्याकडे आहेत. यातील व्हिडीओज हा आधीच फॉरेन्सीककडून प्रमाणीत करण्यात आलेले आहे. राज्य सरकार याची चौकशी करणार नाही हे आम्हाला माहित आहे. यामुळे सीबीआयकडे चौकशी गेल्यानंतर आम्ही हे सर्व पुरावे सीबीआयला देणार आहोत.”
फडणवीस पुढे म्हणाले की, “प्रवीण चव्हाण यांची अनेक प्रकरणे आमच्याकडे आहेत. जळगाव येथील बीएचआर सहकारी पतसंस्थेच्या गैरव्यवहार प्रकरणात ते सरकारी वकील आहेत. मात्र आश्चर्याची बाब म्हणजे हेच प्रवीण चव्हाण आधी बीएचआरचे संस्थापक प्रमोद रायसोनी यांचे वकील होते. या कनेक्शनची माहिती कालच आपल्याला मिळाली असून याबाबत आपण सखोल चौकशी करत असल्याचे ते म्हणाले. मी विधानसभे गौप्यस्फोट केल्यानंतर प्रवीण चव्हाण यांनी दोन दिवस मीन का बाळगले ?” असा प्रश्न देखील त्यांनी उपस्थित केला.
