पहूर ता. जामनेर (किरण जाधव) येथील जळगाव-औरंगाबाद महामार्गावर अवैध विनापरवानगी बायोडिझेल विक्री होत असल्याची बातमी प्रकाशित होताच, तेथील साहित्य गायब झाले आहे. मात्र, संबंधित अधिकारी तेथे का पोहोचले नाहीत?, असा प्रश्न उपस्थित केला जात आहे.
जळगाव औरंगाबाद महामार्गावरील पहूर येथून काही अंतरावर बालाजी तोल काट्याजवळ अवैध विनापरवानगी बायोडिझेल विक्री होत असल्याची जोरदार चर्चा पहुर परिसरात सुरू होती. याबाबत ‘द क्लिअर न्यूज’ ने वृत्त प्रकाशित केले होते की, तोल काट्या जवळील खोलीच्या ओट्यावर पंप आहेत. तर बाजूला टँकर उभे आहेत. बाजूने पाईपलाईन करण्यात आल्याचा, उल्लेख बातमीत करण्यात आला होता. बातमी प्रकाशित झाली आणि या ठिकाणावरील पंप गायब करण्यात आला. एवढेच नव्हे तर, टॅंकर पण गायब करत पाईपलाईन देखील काढण्यात आली.
अवैध बायोडिझेलची विक्री करणारे धास्तावले मात्र संबंधित विभागाचे अधिकारी तेथे का पोहचले नाहीत? याची चर्चा पहूर परिसरात सुरू असून सर्वसामान्य नागरिकांमधून संतापही व्यक्त केला जात आहेत. घटनास्थळी आता फक्त जमिनीतली टाकी असून वरती जमिनी बाहेर पाईप असल्याचे दिसून येत आहेत. संबंधित विभागाने चौकशी करून कारवाई करावी, अशी मागणी होत असून अवैध बायोडिझेलची विक्री करणऱ्यांच्या पाठीशी कोणते अधिकारी व कर्मचारी आहेत? याचाही शोध वरिष्ठ अधिकाऱ्यांनी घ्यावा व संबंधितांवर कारवाई करा,वी अशी मागणी सर्वसामान्य नागरिकांमधून केली जात आहे.
