भुसावळातील खून प्रकरणातील चौथा आरोपी जाळ्यात

भुसावळ प्रतिनिधी । गेल्या दोन दिवसापुर्वी एका तरुणाचा खून केल्याची घटना घडली असून त्याप्रकरणातील ३ आरोपींना अवघ्या काही तासात पकडण्यात पोलिसांना यश मिळले होते. मात्र, दोन आरोपी पसार झाले असून त्यातील एकाला आरोपीला (दि.१४) रोजी रात्री अटक करण्यात आली आहे.

याबाबत अधिक माहिती अशी की, शेख अल्तमश या तरुणाच्या खून प्रकरणी शेख समीर शेख युसूफ (19), शेख शाहरूख शेख युसूफ (27, दोन्ही रा.रींग रोड, भुसावळ) व समीर शेख रहेमान शेख (18, पंधरा बंगला, भुसावळ), शेख आमीर शेख युसूफ (18, रा.पंधरा बंगला) या चौघा आरोपींना अटक करण्यात आली असून अन्य एका पसार आरोपीचा देखील कसून शोध सुरू आहे.

जुन्या वादाच्या कारणातून पाच जणांच्या टोळक्याने सुमारास खडका रोडवरील पुलाखाली अल्तमश रशीद शेख (21, बाबला हॉटेलजवळ, जाम मोहल्ला, भुसावळ) या तरुणाची हत्या केल्याची घटना रविवारी रात्री 9.30 वाजेच्या सुमारास घडली होती. या प्रकरणी तिघा आरोपींना अवघ्या काही तासात अटक करण्यात यश आले होते मात्र अन्य दोघे पसार झाले होते. पसार आरोपींपैकी शेख आमीर शेख युसूफ (18, रा.पंधरा बंगला) हा पंधरा बंगला भागात लपून असल्याची माहिती मिळाल्यानंतर त्यास सोमवारी रात्री अटक करण्यात आली.

यांनी आवळल्या आरोपीच्या मुसक्या
पोलिस उपअधीक्षक गजानन राठोड व प्रभारी निरीक्षक बाबासाहेब ठोंबे यांच्या मार्गदर्शनाखाली सहाय्यक निरीक्षक अनिल मोरे व मंगेश गोंटला, नाईक रवींद्र बिर्‍हाडे, रमण सुरळकर, उमाकांत पाटील, किशोर महाजन, समाधान पाटील, विकास सातदिवे, प्रशांत परदेशी, ईश्‍वर भालेराव, योगेश महाजन, श्रीकृष्ण देशमुख, गजानन वाघ आदींनी पसार आरोपीच्या मुसक्या आवळल्या. तपास सहा.निरीक्षक मंगेश गोंटला करीत आहेत.