नंदुरबार (वृत्तसंस्था) पतीसोबत दुचाकीवर निघालेल्या पत्नीचा प्रवास अखेरचा ठरल्याची दुर्दैवी घटना घडली. कंटेनरने दुचाकीला दिलेल्या धडकेत पत्नीचा मृत्यू, पती जखमी झाला आहे. संगीता रवींद्र पाटील असे मृत महिलेचे नाव आहे. तर जखमी पतीवर उपचार सुरू आहेत.
प्रकाशा-डामरखेडा रस्त्यावर कानुमाई पेट्रोल पंपाजवळ प्रकाशा येथून शहाद्याकडे जाणाऱ्या मोटारसायकलीला भरधाव कंटेनरने मागून धडक दिल्याने नांदरखेडा येथील पाटील दाम्पत्य जखमी झाले. यातील महिलेचे दुर्दैवी निधन झाले. संगीता रवींद्र पाटील असे मृत महिलेचे नाव आहे. तर जखमी पतीवर उपचार सुरू आहेत.
गुरुवारी दुपारी १.३० वाजेच्या सुमारास हा अपघात झाला. हे नांदरखेडा ता.शहादा येथील रवींद्र रतिलाल पाटील हे प्रकाशा येथून मोटारसायकलने जात असताना एपी ११ एच १९५७ या क्रमांकाच्या कंटेनरने त्यांच्या मोटारसायकलला मागून जबर धडक दिली. यात रवींद्र पाटील जखमी झाले, तर गंभीररीत्या जखमी झालेल्या संगीता पाटील यांचा मृत्यू ओढवला. दरम्यान कंटेनर चालक अपघातानंतर कंटेनर जागेवर सोडून पळून गेला.
