पिंप्री ता. धरणगाव (प्रतिनिधी) येथील प्रसिद्ध फोटोग्राफर विजय पंडीत पाटील (वय ४१ वर्ष रा. आयोध्या नगर पिप्रिं खु) यांची घराबाहेर लावलेली दुचाकी अज्ञात चोरट्याने लांबवली आहे.
या संदर्भात अधिक असे की, गावातील अयोध्या नगरातील रहिवाशी विजय पाटील यांनी दि. २० रोजी रात्री नेहमीप्रमाणे घरावाहेर आपली दुचाकी क्र. (MH १९ DF ४९८८) ही लावली होती. परंतू दुसऱ्या दिवशी दि. २१ ऑगस्ट रोजी पहाटे ४.३० वाजेच्या सुमारास गल्लीतील राहुल पाटील हे सकाळी रस्त्याने फिरत असतांना त्यांना अनोळखी चोरटा दुचाकी घेऊन जात असतांना दिसून आला. त्यामुळे त्यांनी विजय पाटील यांना घरी येवून उठवून सांगितले की, तुमची दुचाकी कोणीतरी अनोळखी इसम घेऊन जात आहेत. त्यामुळे विजय पाटील यांनी गावात सगळी चोरट्याचा शोध घेतला, परंतू तो मिळून आला नाही. त्यामुळे याप्रकरणी अज्ञात चोरट्याविरुद्ध गुन्हा दाखल करण्यात आला असून पुढील तपास पो.हे.कॉ मोती पवार हे करीत आहेत.
