छत्रपती संभाजीनगर (वृत्तसंस्था) पडेगाव मिटमिटा रोडवर सोमवारी (दि.१०) दुपारी भरधाव जाणाऱ्या तीन दुचाकी एकमेकांवर धडकून विचित्र अपघात झाला. यात एका तरुणाचा मृत्यू तर अन्य तीघ गंभीर जखमी झाले आहेत. आदर्श नारायण शिरसे (वय १८) असे मृत तरुणाचे नाव आहे.
मिटमिटा रोडवरील एका ढाब्यासमोर सोमवारी दुपारी अडीच विचित्र अपघात घडला. दोन मित्र एकमेकांशी बोलत दुचाकी चालवत असताना तिसरी दुचाकी येऊन त्यावर धडकली. त्यानंतर तिन्ही वाहनचालक जमिनीवर आदळले.
यात सिडको गुलमोहर कॉलनीतील आदर्श नारायण शिरसे (१८) हा जागीच ठार झाला. तर किरण राजू चव्हाण (१८), मोतीवालानगरातील शायन खान अशरफ खान (१८) आणि बुढीलेन येथील शहदाब शरीफ शेख (२५) हे तिघे गंभीर जखमी झाले. अपघातानंतर दोघं जखमींना उपचार्थ खाजगी रुग्णालयात दाखल करण्यात आले. दरम्यान, तिघांची प्रकृती चिंताजनक असल्याचे कळते.
घटनेची माहिती मिळताच छावणी पोलीसांनी घटनास्थळी धाव घेत आदर्श शिरसे याचा मृतदेह घाटीत पाठविला. तसेच घटनास्थळावरून पोलिसांनी तिन्ही दुचाकी (एमएच २० जीएच ६७९७), (एमएच २० जीएम ८४४९ ) आणि (एमएच २० एफएस ८५७१) या तिघं दुचाकी ताब्यात घेण्यात आल्यात. जखमींच्या जबाब नोंदविल्यानंतरच अपघात नेमका कसा झाला?, हे स्पष्ट असल्याचेही पोलिसांनी संगीतले. याबाबतचे आज ‘पुण्य नगरी’नेसह एका पोर्टलने दिले आहे.
