जामनेर (प्रतिनिधी) – स्विफ्ट डिझायर व क्रुझर यांच्यात समोरासमोर झालेल्या अपघातात नाशिक येथील दोन महिलाचा जागीच मृत्यू झाल्या असून १३ जण जखमी झाले. ही घटना जामनेर – बोदवड रोडवरील मालदाभाडी गावातील नायरा पेट्रोल पंपाजवळ काल दुपारी ४ वाजेच्या सुमारास घडली आहे.
या अपघातात मनीषा पवार (वय ३५), चैतन्य पवार (वय १४ दोघे राहणार नेरी), निता चिंचोले (वय ४०), सरला तायडे (वय ४०), प्रिती बिऱ्हाडे (वय ३८), काव्या बिऱ्हाडे (वय ५१), पदमा पाटील (वय ७०), स्वाती चिंचोले (वय ३०), निता चिंचोले (वय ३८), उज्वला निकम (वय ३८), वैशाली पवार (वय ३९, सर्व राहणार खादगाव ता. जामनेर), नंदा माळी (वय ४० रा. जळगाव), हर्षल माळी (वय ३१ रा. नाशिक) असे १३ प्रवासी जखमी झाले आहेत. त्यांच्यावर उपजिल्हा रुग्णालयात प्राथमिक उपचार करून ४ प्रवाशांना पुढील उपचारासाठी जळगाव येथे पाठविण्यात आले आहे. तर स्विफ्ट डिझायरमध्ये बसलेल्या चंद्रकला सूर्यकांत माळी व यशोदाबाई पुर्ण नाव माहित नाही (दोघ रा. सातपूर नाशिक) या दोन महिलाचा जागीच मृत्यू झाल्याची प्राथमिक माहिती वैद्यकीय सूत्रांनी दिली आहे.
स्विफ्ट डिझायर कार ही गाडी नाशिकहून बोदवडकडे जात होती. तर क्रुझर गाडी मधील प्रवाशीमध्य प्रदेशातील भोपालजवळील सिहोर येथू देवदर्शन करून खादगाव येथे परत येत होते. भाजपाच तालुकाध्यक्ष कमलाकर पाटील हे बैठकीसाठी बोदव येथे गेले होते. बैठक आटोपल्यानंतर ते जामनेरक येत असताना त्यांना हा अपघात झालेला दिसल त्यांनी तिथे थांबून आरोग्यदूत जालमसिंग राजपूत यांना घटनेची माहिती दिली. जालमसिंग राजपूत लागलीच रुग्णवाहिका घेऊन घटनास्थळी दाखल झाले. कमलाकर पाटील, जालमसिंग राजपूत डॉ. आनंद जैन यांनी जखमी प्रवाशांना जामनेर येथील उपजिल्हा रुग्णालयात दाखल केले. तेथील रूग्णालयाचे वैद्यकीय अधीक्षक डॉ. हर्षल चांद डॉ. प्रशांत महाजन, डॉ. विनोद भोई व त्यांच्य सहकाऱ्यांनी रुग्णांवर प्राथमिक उपचार केले.
