अहमदनगर (वृत्तसंस्था) अहमदनगरमध्ये एसटी चालकाने आगारात उभ्या असलेल्या एसटीलाच गळपास घेऊन आत्महत्या केल्याची दुर्दैवी घटना समोर आली आहे. नगरच्या शेवगाव आगारात शुक्रवारी सकाळच्या सुमारास ही घटना घडली. या घटनेनंतर एकच खळबळ उडाली आहे.
मिळालेल्या प्राथमिक माहितीनुसार, मृतक एसटी कर्मचाऱ्याचे नाव दिलीप हरिभाऊ काकडे असे आहे. दिलीप काकडे हे परिवहन महामंडळात चालक म्हणून कार्यरत होते. शेवगाव येतील एसटी डेपोत उभ्या असलेल्या बसच्या मागच्या बाजूला गळफास घेत त्यांनी आत्महत्या केली. शुक्रवारी सकाळच्या सुमारास ही घटना उघडकीस आली.
दरम्यान दिलीप काकडे यांनी आत्महत्या का केली याची माहिती अद्याप समजू शकलेली नाहीये. घटनेची माहिती मिळताच आगराच्या अन्य कर्मचाऱ्यांनी व अधिकाऱ्यांनी डेपोत धाव घेतली. या घटनेमुळे अहमदनगर जिल्ह्यात खळबळ उडाली आहे. दिलीप काकडे यांच्यावर कर्ज होते का? किंवा आर्थिक विवंचनेतून त्यांनी इतकं टोकाचं पाऊल उचललं का? याबाबत अद्याप माहिती मिळू शकलेली नाहीये.
