जळगाव (प्रतिनिधी) वॉटरग्रेस कंपनीसोबत महापालिकेच्या झालेल्या करारानुसार वाहन दुरुस्तीचा खर्च वॉटरग्रेसने करावयाचा आहे. परंतू मनपाने नुकताच तब्बल १२ लाखांचा खर्च वाहनांच्या दुरुस्तीवर केला आहे. त्यामुळे मनपा पुन्हा-पुन्हा वॉटरग्रेसवर मेहेरबानी का करते आहे?, जळगावकरांनी भरलेल्या कराची अशीच उधळपट्टी चालणार आहे का ?, असे अनेक प्रश्न राष्ट्रवादी महानगराध्यक्ष अभिषेक पाटील यांनी उपस्थित केले आहेत.
वॉटरग्रेस कंपनीला याआधीच आपल्या कंगाल मनपाने मोठ्या उदार मनाचे होऊन वाहने विकत घेऊन दिलेले असताना त्यावर किरकोळ किंवा मोठ्या नुकसान किंवा रिपेअरचा खर्च हा वॉटरग्रेस ने करावा हे त्याच्या झालेल्या कारारनाम्यात स्पष्टपणे नमूद असताना देखील मनपाने तब्बल १२ लाखांचा खर्च वाहनांच्या दुरुस्तीवर केल्याचे नुकतेच समोर आले आहे.
अभिषेक पाटील यांनी सोशल मीडियात टाकलेल्या पोस्ट जशीच्या तशी
वॉटरग्रेस कंपनी ला या आधीच आपल्या कंगाल मनपा ने मोठ्या उदार मनाचे होऊन वाहने विकत घेऊन दिलेले असताना त्या वर किरकोळ किंवा मोठ्या नुकसान किंवा रिपेअर चा खर्च हा वॉटरग्रेस ने करावा हे त्या च्या झालेल्या कारारनाम्यात स्पष्ट पणे मुद्दा क्र इ नमूद असताना देखील या चा खर्च मनपा का करत असेल ?
दि 04 मे 2021 रोजी झालेल्या स्थाई समिती च्या मीटिंग च्या संविदेत मुद्दा क्र 8 मध्ये सदरील वाहनांच्या लोखंडी कप्पे सुधारण्यासाठी 13900 रु प्रमाणे 85 गाड्या च्या दुरुस्ती साठी 11, 81,500 रु चा खर्चास मंजुरी देऊन सदरील काम पूर्ण करण्यात आले आहे …
प्रश्नः आहे की –
1) सदरील वाहने आरोग्य विभागाने GM पोर्टल वरून खरेदी करीत असताना ही गोस्ट लक्षात कशी आली नाही ? (कप्पे कसे हवेत )
2) दुरुस्ती चा खर्च हा वॉटरग्रेस कडून का घेतला गेला नाही ?
3) जळगावकर यांनी भरलेल्या कराची अशीच उधळपट्टी चालणार का ?
4) वॉटरग्रेस वर इतकी मेहरबानी का ?
अश्या छोट्या छोट्या चोऱ्या करूनच यांचा पण आकडा माघील झालेली घोटाळ्या सारखा तर होणार नाही ना ???
ज्या ज्या अधिकाऱ्यांची यास मूक संमती होती त्या च्या कडून या रकमेची वसुली का करण्यात येऊ नये ?
