भडगाव (प्रतिनिधी) – दारू पिण्यासाठी पैसे न दिल्याच्या आणि शेतजमीन विकण्यास नकार दिल्याचा रागातून ललिता आत्माराम राठोड (वय ३६, रा. वसंतवाडी तांडा, ता. भडगाव) या विवाहितेचा पतीने चाकूने भोसकून निघृण हत्या केली. ही धक्कादायक घटना रविवार दि. २६ जुलै रोजी सकाळी साडेआठ वाजेच्या सुमारास वसंतवाडी तांडा परिसरात घडली. पोलिसांनी संशयित आत्मारात पतीलाल राठोड (वय ४०) याला ताब्यात घेतले असून त्याच्याविरुद्ध भडगाव पोलिसात खुनाचा गुन्हा दाखल करण्यात आला आहे.
भडगाव तालुक्यातील वसंत वाडी तांडा येथे राहणारा आत्माराम राठोड यांना दारुचे व्यसन असून ते पत्नी ललिता राठोड यांना दारु पिण्यासाठी वारंवार पैसे मागत होता. तसेच तो पत्नीकडे शेती विकण्याचा तगादा लावत होता. मात्र, ललिता यांनी दारूसाठी पैसे देण्यास आणि शेती विकण्यास ठाम नकार दिला होता. याच कारणावरून संतापालेल्या आत्माराम राठोड याने रविवार दि. २६ जुलै रोजी सकाळी ललिता यांच्यावर धारदार चाकूने पोटावर गंभीर वार केले. या हल्ल्यात ललिता राठोड यांचा जागीच दुर्दैवी मृत्यू झाला. घटनेची माहिती मिळताच भडगाव पोलिसांनी तातडीने तपासचक्रे फिरवित संशयित आत्माराम राठोडयाला ताब्यात घेतले आहे.
फॉरेन्सिक टीमला केले पाचारण
गुन्ह्याचे गांभीर्य लक्षात घेता घटनास्थळावर फॉरेन्सिक टीमला बोलावण्यात आले. त्यांन घटनास्थळाहून आवश्यक ते पुराव् गोळा केले आहेत. मयत ललिता यांच मृतदेह भडगाव ग्रामीण रुग्णालयात शवविच्छेदनासाठी पाठवण्यात आला आहे. मयत ललिता राठोड यांचा भाऊ प्रकाश मेहराम चव्हाण (रा. दळवेल, ता. पारोळा) यांच्य फिर्यादीवरून भडगाव पोलीस ठाण्यात गुन्हा दाखल करण्यात आला आहे या प्रकरणाचा पुढील तपास महिल पोलीस उपनिरीक्षक लक्ष्मी कारंकार करत आहेत.
