धरणगाव (प्रतिनिधी) एकशे आठ वर्षांची गुणवत्तेची उज्ज्वल परंपरा असलेल्या शतकोत्तरी पी.आर.हायस्कूलची विद्यार्थिनी कु.साक्षी रमेश काटवे (खत्री गल्ली, धरणगाव) हिने मार्च २०२१मध्ये झालेल्या दहावीच्या परीक्षेत मराठी विषयात १०० पैकी १०० गुण मिळवून नाशिक विभागीय विभागीय मंडळात प्रथम क्रमांक पटकावला असून बोर्डातर्फे मराठी विषयात प्रथम आल्याबद्दलचे रुपये १५००/- रोख रकमेचे कै.पार्वताबाई तुकाराम दौंड स्मृती पारितोषिक देऊन तिचा गौरव करण्यात आला आहे. याबद्ल शाळेत तिचा सत्कार करण्यात आला.
तिला मराठी विषयाचे शिक्षक डॉ.संजीवकुमार सोनवणे यांचे मार्गदर्शन मिळाले आहे. साक्षीच्या या यशाबद्दल पी.आर.हायस्कूल सोसायटीचे अध्यक्ष डॉ.अरूण कुलकर्णी, उपाध्यक्ष वसंतराव गालापुरे, सचिव डॉ.मिलिंद डहाळे, संचालक अजयभाऊ पगारीया, मुख्याध्यापक डॉ.संजीवकुमार सोनवणे, उपमुख्याध्यापक आर.के.सपकाळे, पर्यवेक्षक डॉ. ए.सी.शिरसाठ, कैलास वाघ, एनसीसी मेजर डी.एस.पाटील, सर्व शिक्षक बंधू भगिनी आणि शिक्षकेतर कर्मचारी वर्गाने अभिनंदन केले.
