अमळनेर (प्रतिनिधी) – लाडकी बहिण योजनेच्या पैशातून सोन्याचे दागिने घेण्याचे आमिष दाखवून एका महिलेला पळवून नेत तिच्यासोबत बळजबरीने शारीरिक संबंध ठेवल्याची घटना तालुक्यातील एका गावात उघडकीस आली आहे. याप्रकरणी सुदाम भगवान भील याच्याविरुद्ध बलात्काराचा गुन्हा नोंदवण्यात आला आहे.
पीडित महिलेला तिचा पती सोडून गेल्याने तालुक्यातील एका गावातील आई, वडिलांकडे ती राहत होती. दरम्यान, मार्चमध्ये त्या पीडित महिलेकडे लाडकी बहिण योजनेचे ७० हजार रुपये गोळा झाले होते. तेव्हा गावातीलच एक महिला व आते बहिण यांनी पीडित महिलेला त्या पैशांचे सोने करून घेण्यास सांगितले. यास पीडित महिलेने संमती दिल्यावर मार्चमध्ये ती त्या दोन्ही महिला आणि स्वतःच्या लहान मुलाला घेऊन अमळनेरात आल्यात. मंगळ ग्रह मंदिराजवळ उतरल्यावर तेथे एका महिलेचा मुलगा सुदाम आला. तर त्यादोघा महिलांनी सुदामसोबत लहान मुलगा व पीडित महिलेला गाडीत बसवून पाठवून दिले. मात्र, गाडी सोनाराच्या दुकानाकडे न जाता दुसऱ्याच रस्त्याला नेली. त्यानंतर सुदाम त्या महिलेला चाळीसगाव तालुक्यातील एका गावात घेऊन गेला व तेथे गावाबाहेर झोपडी बांधून पीडित महिलेसोबत राहु लागला. दरम्यान, मुलगा, पीडित महिलेला ठार मारण्याची धमकी दिल्यामुळे ती पीडित महिला मुकाट्याने राहत होती. तर, सुदामने तिच्यासोबत बळजबरी शारीरिक संबंध ठेवले. तसेच तिच्याच पैशांनी रोजचा खर्च करु लागला. काही दिवस राहिल्यानंतर सुदाम पीडित महिलेला मुलासह पुन्हा दुसऱ्या गावात घेऊन आला. साधारणतः दोन महिने एका खोलीत ते राहिले. तर, १६ जूनला सुदाम बाहेर गेल्यावर पीडित महिला मुलाला घेऊन बहिणीकडे निघून गेली. त्यानंतर तिने बहिणीला सर्व हकीगत सांगितली. त्यानंतर भाऊ व वडीलांना ही या घटनेची माहिती दिली. त्यानंतर, पीडित महिलेने दिलेल्या फिर्यादीवरुन मारवड पोलीस ठाण्यात सुदाम भील याच्याविरुद्ध विविध कलमान्वये गुन्हा नोंदवण्यात आला आहे. या प्रकरणी सुदाम भील याला अटक करण्यात आली आहे. तपास एपीआय साजिद मन्सुरी करत आहेत.
दुसऱ्या गटातर्फेही फिर्याद दाखल
तर या संदर्भात दुसऱ्या महिलेनेही मारवड पोलिसात फिर्याद दिली आहे. त्यात म्हटले आहे की, गावात नात्याने आतेभाऊ राहत असून त्याची बहिण आणि माझा मुलगा यांचे प्रेमसंबंध होते दोन ते तीन महिन्यांपूर्वी ते बाहेरगाव पळून गेले होते. १६ जूनला माझ मुलगा परत आला, त्याचवेळी त महिलाही परत आली. त्यानंतर, तिचा भाऊ रात्री ८ वाजता लाकडी दांड घेऊन आला व त्यांच्या मुलाला बाहे बोलावू लागला. तू माझ्या बहिणीला कुठे पळवून नेले होते, असे विचारू लागला. तेव्हा त्या महिलेने त्याल तुझी बहिण स्वतःच पळून गेल्याचे सांगितले. त्याचा राग आल्याने त्याने त्या महिलेच्या हातावर दांडा मारला तर मुलाच्या पायावर दांडक्याने मारहाण केली. पती आवरायला आले असत त्यांनाही कपाळावर मारले. यात दुर्गाबाईचा हात फॅक्चर झाल्याने त्यांन धुळे येथे उपचारासाठी दाखल केल होते. या प्रकरणी उशिराने मारवड पोलिसांत दिलेल्या तक्रारीवरुन संबंधिताविरुद्ध गुन्हा दाखल झाल आहे. आरोपीला अटक करण्यात आली असून तपास संजय पाटील करत आहेत.
